لاہور: ارشد چائے والا کا شناختی کارڈ اور پاسپورٹ بلاک کردیا گیا ، جس کے بعد شہرت پانے والے ارشد خان کی پاکستانی شہریت پر سوال اٹھ گئے۔

تفصیلات کے مطابق ارشد خان چائے والا نے شناختی کارڈ اور پاسپورٹ بلاک کرنے پر لاہور ہائی کورٹ راولپنڈی بنچ سے رجوع کرلیا۔

ارشد خان نے نادرا اور پاسپورٹ امیگریشن حکام کے خلاف درخواست دائر کردی ، عمر اعجاز گیلانی ایڈووکیٹ کے زریعے لاہور ہائی کورٹ راولپنڈی بنچ میں درخواست دائر کی گئی۔

درخواست گزار نے عدالت کوبتایا نادرا اور پاسپورٹ حکام نے شہریت کے شواہد پیش نہ کرنے پر شناختی کارڈ اور پاسپورٹ بلاک کردئیے۔

درخواست گزار کا کہنا تھا کہ نادرا حکام کی جانب سے 1978 سے قبل کے رہائشی شواہد مانگے جارہے، ارشد خان نے 17برس کی عمر میں اسلام آباد میں چائے بیچتے شہرت حاصل کی تھی۔

ارشد کی تصویر سوشل میڈیا پر وائرل ہوئی تھی تاہم شہرت پانے والے ارشد کی پاکستانی شہریت پر سوال اٹھ گئے۔

لاہور ہائی کورٹ راولپنڈی بنچ سے رجوع کرلیا۔ عدالت نے متعلقہ حکام کو ریکارڈ سمیت17اپریل کو طلب کرلیا۔

لاہور : پاکستان تحریک انصاف کے رہنما شاہ محمود قریشی کا کہنا ہے کہ آج جو ہمیں ہتھکڑیاں لگا رہے ہیں کل یہ ہمیں سیلوٹ کریں گے۔

تفصیلات کے مطابق انسداد دہشت گردی عدالت میں پیشی کے موقع پر پاکستان تحریک انصاف کے رہنما شاہ محمود قریشی اور پولیس افسران کے درمیان مکالمہ ہوا۔

شاہ محمود نے کہا کہ آپ مجھے جانے پر مجبور نہیں کر سکتے، اگر میں کچھ دیر رکتاہوں توکیا فرق پڑے گا، سندھ سے آج لوگ مجھے ملنے آئے ایسا نہیں ہوسکتاکہ ملاقات نہ کروں۔

رہنما پی ٹی آئی کا کہنا تھا کہ مجھےمیرےلوگوں سےملنے سے آپ کو کس نے روکا ہے ، آپ آئی جی کو بلائیں میں ان سے بات کرتا ہوں، آج جو ہمیں ہتھکڑیاں لگا رہے ہیں کل یہ ہمیں سیلوٹ کریں گے۔

مزید پڑھیں : شاہ محمود قریشی نے جیل سے باہر موجود پی ٹی آئی قیادت سے بڑی اپیل کر دی!

یاد رہے گذشتہ سال تقریباً دو سال سے اسیر پاکستان تحریک انصاف کے وائس چیئرمین نے جیل سے باہر پی ٹی آئی قیادت سے باہمی اتفاق رکھنے کی اپیل کی تھی۔

پی ٹی آئی رہنما نے پارٹی قیادت کو مخاطب کرتے ہوئے کہا تھا کہ جو جیل میں پڑے ہیں، وہ آپ کی طرف دیکھ رہیں ہیں۔ آپ سے استدعا ہے کہ اتفاق اور حسن سلوک برقرار رکھیں اور جیل والوں کے لیے اقدامات کریں۔

اسلام آباد : عازمین حج کو پاکستان میں ہی امیگریشن کی سہولت فراہمی کے لئے تیاریاں جاری ہے، سعودی امیگریشن کا عملہ عازمین کی امیگریشن کرے گا۔

تفصیلات کے مطابق اسلام آباد انٹرنیشنل ایئر پورٹ پر روڈ ٹو مکہ منصوبے کے تحت تیاریاں جاری ہے، ایئرپورٹ منیجر نے بتایا عازمین حج کی سہولت کیلئے اسلام آبادایئرپورٹ پر 8 سے 10 کاونٹر الاٹ کیے جائیں گے، عازمین حج کی امیگریشن کی سہولت کیلئے جگہ مختص کردی گئی ہے۔

سعودی امیگریشن کےعملے کا وفد آئندہ چند روز میں اسلام آباد ایئرپورٹ کا دورہ کرے گا، سعودی امیگریشن کا عملہ عازمین حج کی امیگریشن کرے گا۔

گزشتہ سال40ہزارسےزائدعازمین نےروڈٹومکہ منصوبےکےتحت استفادہ کیاتھا ، عازمین کی رہنمائی اوران کی مددکیلئےخصوصی ڈیسک بھی قائم کی جارہی ہے،ایئرپورٹ منیجر

اسلام آبادسےتمام پروازیں روڈٹومکہ منصوبےکےتحت مدینہ اورجدہ کیلئےآپریٹ کی جائیں گی۔

مزید پڑھیں : اس سال کون سے ایئرپورٹ روڈ ٹو مکہ منصوبے میں شامل ہیں؟

یاد رہے وزارت مذہبی امور نے ڈائریکٹرجنرل (ڈی جی) سول ایوی ایشن اتھارٹی کو مراسلہ جاری کیا تھا ، جس میں روڈ ٹو مکہ منصوبے کے بارے میں تفصیلات فراہم کی گئیں۔

مراسلے میں بتایا گیا تھا کہ اسلام آباد انٹرنیشنل ایئرپورٹ اور کراچی کا جناح انٹرنیشنل ایئرپورٹ اس سال بھی روڈ ٹو مکہ منصوبہ شامل ہے، اسلام آباد اور کراچی سے جانے والے عازمین منصوبے سے مستفید ہوں گے۔

پشاور : وزیراعلیٰ خیبر پختو ںخواہ علی امین گنڈا پور نے بانی پی ٹی آئی کی بہنوں کیساتھ ناروا سلوک کی مذمت کرتے ہوئے کہ وقت آنے پر حساب لیا جائے گا۔
.
تفصیلات کے مطابق وزیراعلیٰ خیبر پختوںخواہ علی امین گنڈا پور نے بانی پی ٹی آئی کی بہنوں، حامد رضا اور دیگر کوحراست میں لیکر ویرانے میں چھوڑ نے کی مذمت کرتے ہوئے کہا کہ بانی پی ٹی آئی کی بہنوں کیساتھ ناروا سلوک ناقابل برداشت ہے، وقت آنےپر حساب لیا جائے گا۔

علی امین کا کہنا تھا کہ حکومت بانی پی ٹی آئی کی دشمنی میں انسانی حقوق کی خلاف ورزیوں کی تمام حدیں پار کر رہی ہے، اس طرح کےغیر انسانی اور غیر قانونی ہتھکنڈے ہمارے حوصلے پست نہیں کر سکتے۔

وزیراعلیٰ کے پی نے کہا کہ حکومت کی فسطائیت کا ڈٹ کر مقابلہ کرتے آرہے ہیں آگے بھی کرتے رہیں گے، بانی پی ٹی آئی نا حق قید ہیں، ان کی رہائی تک ہماری جدو جہد جاری رہے گی۔3

ان کا کہنا تھا کہ بانی کےاہل خانہ اورپارٹی قائدین کو ملاقات کی اجازت نہ دیناانسانی حقوق کی سنگین خلاف ورزی ہے، حکومت کوعدالتی احکامات کی کوئی پرواہ ہے نہ بنیادی انسانی حقوق کا کوئی لحاظ ہے، عدلیہ اپنے احکامات اور انسانی حقوق کی ان خلاف ورزیوں کا نوٹس لے۔

وزیرعلیٰ کے پی نے کہا کہ ملاقات کی اجازت نہ دینااور تشدد کرناحکمرانوں کی بوکھلاہٹ کا منہ بولتا ثبوت ہے، حکومت ہوش کے ناخن لے اور ملک کو انارکی کی طرف لے جانے سے باز آئے۔

لاہور: لاہور ہائیکورٹ نے خشک سالی سے بچاو کیلئے واٹر ایمرجنسی نافذ کرنے کی تجویز کرنے کی تجویز دے دی اور ہدایت کی کہ واٹر ایمرجنسی کا معاملہ کابینہ میں پیش کرا کر آئندہ سماعت پر اس بارے میں رپورٹ پیش کی جائے۔

تفصیلات کے مطابق لاہور ہائیکورٹ کے جسٹس شاہد کریم نے سموگ تدارک کیلئے گزشتہ سماعت کا تحریری حکم جاری کر دیا۔

جس میں عدالت نے باور کرایا کہ یہ وقت کی ضرورت ہے کہ پانی کی کمی سے بچاو کیلئے کورونا کی طرز پر ایمرجنسی کا نافذ کیا جائے اور واٹر ایمرجنسی کیلئے اس کی سمری کابینہ میں پیش کی جائے۔

عدالت نے واٹر ایمرجنسی پر کابینہ کی رپورٹ بھی مانگ لی، فیصلے میں نشاندہی کی گئی کہ ڈی جی پی ڈی ایم اے نے ماحولیاتی تبدیلی کے پیش نظر دریائوں میں پانی کی کمی کا خدشہ ظاہر کیا۔

عدالت نے زور دیا کہ پی ڈی ایم اے کو خشک سالی سے بچاو کیلئے بنیادی کردار ادا کرنا ہو گا، اسی پی ڈی ایم اے پانی کے بچاؤ کیلئے پنجاب میں دیگر محکموں کیساتھ ملکر پیشگی اقدامات کرے۔

عدالت نے قرار دیا کہ ایمرجنسی کا نفاذ پی ڈی ایم اے کو پانی کے تحفظ کیلئے اقدامات میں مزید مضبوط کرے گا اور پانی کے تحفظ کیلئے مخلتف محکموں کے فوکل پرسنز کی کمیٹی بنائی جائے۔

فیصلے میں کہا گیا کہ فوکل پرسن پانی کے تحفظ کے بارے میں اقدامات کی رپورٹ بھی عدالت پیش کریں جبکہ دو صفحات کے فیصلے میں عدالت نے گھروں میں پانی ضائع کرنیوالوں اور سوسائٹی انتظامیہ کیخلاف بھی کارروائی کا حکم دے دیا۔

عدالت نے ہدایت کی کہ کوآپریٹو ڈیپارٹمنٹ گھروں میں گاڑیاں دھونے والے اور سوسائٹی انتظامیہ کو بھی جرمانے کرے اور گھروں میں پائپ لگا کر صاف پانی ضائع کرنے پر بھی مکمل پابندی عائد کی جائے تاہم درخواستوں پر آئندہ سماعت 11 اپریل کو ہوگی۔