گرمی کی لہر نے بھارت میں ابھی سے لوگوں کو پریشان کردیا ہے، ملک کے کئی شہروں میں درجہ حرارت معمول سے کہیں زیادہ بڑھ گیا۔

اپریل کے مہینے میں ہی تقریباً پورے بھارت میں پارہ بلند ہو رہا ہے، ہیٹ ویوی کی وجہ سے دہلی اور پونے کے رہائشیوں کو گزشتہ دنوں گھر سے نہ نکلنے کا کہا گیا تھا، شمال مغربی بھارت میں بھی ہیٹ ویو کے آثار 10 اپریل تک شدت اختیار کر سکتے ہیں جبکہ اس کے فوراً بعد اس علاقے میں ہلکی بارش بھی متوقع ہے۔

بھارتی محکمہ موسمیات کا کہنا ہے کہ 10 اپریل کے بعد ملک کے کئی حصوں میں ہیٹ ویو کی صوتحال عارضی طور پر کم ہو جائے گی کیونکہ بارش کے باعث درجہ حرارت میں کمی متوقع ہے۔

بھارت: اسکولوں میں گرمیوں کی چھٹیاں جلدی کرنے کا فیصلہ ، تاریخ سامنے آگئی

ریاست راجستھان میں 9 اپریل تک کئی علاقوں میں شدید گرمی کی لہر برقرار رہنے کا امکان ہے۔ پیر کو باڑمیر میں سب سے زیادہ درجہ حرارت 45.6 ڈگری ریکارڈ کیا گیا ہے۔

گجرات، مہاراشٹر اور مدھیہ پردیش میں ہیٹ ویو کی صورتحال 10 اپریل تک رہے گی جبکہ تامل ناڈو، پڈوچیری، گوا اور کیرالہ میں بھی گرم اور مرطوب موسم کی متوقع ہے۔

پیر کو دہلی میں زیادہ سے زیادہ درجہ حرارت 40.2 ڈگری سیلسیس ریکارڈ کیا گیا تھا، ڈاکٹروں نے عوام کو خبردار کیا کہ شدید گرمی کی وجہ سے ہلکے دھبے، زیادہ پسینے کی وجہ سے پٹھوں میں درد، اور ہیٹ اسٹروک جیسے سنگین مسائل بھی ہو سکتے ہیں۔

ممبئی اور اس کے پڑوسی اضلاع پالگھر، رائے گڑھ، رتناگیری اور سندھو درگ کے لیے یلو الرٹ جاری کیا گیا ہے، گرم اور مرطوب موسم کا انتباہ 10 اپریل تک برقرار رہنے کا امکان ہے۔

بھارت: پیٹرول اور ڈیزل کے بعد گیس کی قیمت میں بھی بڑا اضافہ

حماس سے معاہدے کے نتیجے میں اسرائیلی جیلوں سے رہا ہونے والے فلسطینی قیدیوں نے خود پر ہونے والے بہیمانہ اور انسانیت سوز تشدد کا انکشاف کیا ہے۔

بین الاقوامی مداخلت کے بعد اسرائیل اور حماس میں مذاکرات کے بعد دونوں فریقین میں قیدیوں کا تبادلہ ہوا۔تاہم اسرائیلی جیلوں سے رہا ہونے والے مظلوم فلسطینیی قیدیوں نے دوران قید خود پر ہونے والے انسانیت سوز بہیمانہ تشدد کا انکشاف کر کے دل دہلا دیے ہیں۔

اسرائیلی عقوبت خانوں (جیلوں) سے رہائی پانے والے فلسطینی قیدیوں نے غیر ملکی میڈیا سےگفتگو کرتے خود پر ہونے والے تشدد کو بیان کیا تو سننے والوں کے رونگٹے کھڑے ہو گئے۔

رپورٹ کے مطابق کئی قیدیوں نے بتایا کہ انہیں کیمیکل سے جلایا گیا۔ اس کے علاوہ کئی قیدیوں کو برہنہ کر کے تشدد اور بجلی کے جھٹکے دیے گئے۔

جیلوں میں خونخوار کتے بھی موجود تھے، جن سےان قیدیوں کو ہراساں کیا جاتا رہا۔ رہائی پانے والوں نے دیگر قیدیوں کی ہلاکتوں اور ان پر جنسی تشدد کے واقعات کا بھی ذکر کیا۔

36 سالہ مکینک محمد ابو طویلہ نے بتایا کہ دوران قید اسرائیلی فورسز نے اُن کے جسم پر کیمیکل پھینک کر آگ لگا دی گئی اور وہ جانوروں کی طرح تڑپتے رہے۔

یہ وہ قیدی ہیں جنہیں اسرائیل نے 7 اکتوبر 2023 کے بعد بغیر کسی مقدمہ کے گرفتار کیا تھا۔

بین الاقوامی ماہرین کا کہنا ہے کہ یہ تمام الزامات نہ صرف انسانی حقوق کی خلاف ورزی ہیں بلکہ یہ جنگی جرائم کے زمرے میں آ سکتے ہیں۔

واضح رہے کہ غاصب صہیونی ریاست کی 7 اکتوبر 2023 سے غزہ پر جاری جارحیت میں اب تک 50 ہزار سے زائد فلسطینی جام شہادت نوش کر چکےہیں۔ ان میں اکثریت بچوں اور خواتین کی ہے۔