ممبئی: معروف بالی وڈ سُپر اسٹار سلمان خان نے انکشاف کیا ہے کہ انہوں نے کبھی بھی اپنی فلم کی باکس آفس پر کامیابی کیلیے دعا نہیں کی۔

انڈین میڈیا کی رپورٹس کے مطابق سلمان خان کل 30 مارچ کو ریلیز ہونے والی اپنی ایکشن تھرلر فلم ’سکندرُ کی ریلیز کا بے صبری سے انتظار کر رہے ہیں، اس حوالے سے انہوں نے باکس آفس پر کامیابی اور فلم کی قسمت کے بارے میں اپنے نقطہ نظر کو کھل کر بیان کیا۔

حالیہ انٹرویو میں سلمان خان نے بتایا کہ میں نے فلم کی ریلیز سے پہلے کبھی بھی کامیابی کی دعا نہیں کی، مجھے فلم کی کامیابی کی خواہش نہیں کی، فلم کی کامیابی کا دار و مدار دیکھنے والوں کی دلچسپی پر ہوتا ہے وہ کتنے لطف اندوز ہوئے۔

یہ بھی پڑھیں: ’کبھی سوچا نہیں تھا کہ سلمان خان اتنے بڑے اسٹار بن جائیں گے‘

’سکندر کی کامیابی کا انحصار لوگوں، مداحوں اور فیملیز کے رحم و کرم پر ہے۔ میں آج سوچ رہا تھا کہ کیا میں نے کبھی کسی فلم کے کامیاب ہونے کی دعا کی؟ مجھے نہیں لگتا کہ فلم ’میں نے پیار کیا‘ کے علاوہ میں نے کبھی کسی فلم کے ہٹ ہونے کی دعا کی ہو۔‘

سلمان خان نے بتایا کہ میری ماں، بہن اور میرے پیارے ضرور ایسا کر رہے ہوں گے لیکن فلم کا نتیجہ کچھ بھی ہو چاہے وہ ہٹ ہو یا فلاپ میں نے ایسا نہیں کیا، صرف ایک چیز اہم ہے کہ لوگ آپ کے کام سے لطف اندوز ہوں، میں نے کبھی دعویٰ نہیں کیا کہ میں انڈیا کا بہترین اداکار ہوں۔

انٹرویو میں بالی وڈ سُپر اسٹار نے اپنے کام کی اخلاقیات کے بارے میں افواہوں کا بھی ذکر کیا اور یہ کہ وہ شوٹنگ کیلیے عموماً دیر سے پہنچتے ہیں۔

انہوں نے بتایا کہ سیٹ پر میرے دیر سے آنے اور اپنے کام کے بارے میں سنجیدہ نہ ہونے کے بارے میں بہت سی کہانیاں ہیں، میں نے 100 سے زائد فلمیں کی ہیں، اگر سنجیدگی سے کام نہ کرتا تو کیا یہ حاصل کرنا ممکن نہیں تھا؟

ان کا کہنا تھا کہ میرے اوقات کار مختلف ہیں، کچھ لوگ صبح 6 بجے کام شروع کرتے ہیں اور میں 11 یا 12 کے قریب شروع کرتا ہوں کیونکہ مجھے بہت سے دوسرے کام کرنے ہوتے ہیں جیسے کہ کاغذات پر دستخط کرنا، کالز سننا اور ورزش کرنا۔

سلمان خان نے کہا کہ رشمیکا مندانا جانتی ہیں کہ ایک بار جب میں سیٹ پر آتا ہوں تو میں واپس وین تک نہیں جاتا اور نہ ہی بیٹھتا ہوں۔

A.R. Murugadoss کی ہدایت کاری میں، سکندر نے خان کے ساتھ رشمیکا مندنا، ستھیا راج، کاجل اگروال، اور شرمن جوشی کو نمایاں کیا ہے۔ سکندر 30 مارچ کو عید پر بڑے پردے پر جلوہ گر ہوں گے۔

فوربز انڈیا نے رپورٹ جاری کی ہے جس میں بتایا گیا ہے کہ اداکارہ رشمیکا مندانا ایک فلم کا کتنا معاوضہ وصول کرتی ہیں۔

بھارتی میڈیا رپورٹ کے مطابق اداکارہ رشمیکا مندانا صرف ٹالی ووڈ نہیں اب بالی ووڈ پر بھی راج کرنے کو تیار ہیں اور عید پر سلمان خان کے ساتھ فلم ’سکندر‘ میں جلوہ گر ہوں گی۔

رشمیکا مندانا ’پشپا‘ اور ’اینیمل‘ جیسی بلاک بسٹر فلموں کے بعد بالی ووڈ میں بھی ہدایت کاروں کی پہلی چوائس بن گئی ہیں۔

فوربز انڈیا کی جانب سے شائع رپورٹ کے مطابق رشمیکا مندانہ بالی ووڈ کی مہنگی ترین اداکارہ ہیں۔

رشمیکا مندانا کو فی فلم 10 کروڑ روپے تک کا معاوضہ دیا جارہا ہے، رشمیکا کے اثاثوں کی مالیت تقریباً 70 کروڑ کے لگ بھگ ہے۔

واضح رہے کہ رشمیکا مندانا نے فلم ’اینیمل‘ میں رنبیر کپور کے ساتھ مرکزی کردار نبھایا تھا اور فلم باکس آفس پر ہٹ ثابت ہوئی تھی۔

اس کے علاوہ وہ الو ارجن کے ساتھ فلم پشپا اور اس کے سیکوئل میں بھی اداکاری کے جوہر دکھا چکی ہیں۔

اداکارہ پلک تیواری ایک اداکارہ سے خود کو ملانے پر آپے سے باہر ہوگئیں۔

بالی ووڈ اداکارہ شویتا تیواری کی بیٹی پلک تیواری ممبئی ایئرپورٹ پر پاپا رازی پر غصہ ہوگئیں جس کی ویڈیو سوشل میڈیا پر وائرل ہوگئیں۔

نوجوان اداکارہ کو ایک فوٹو گرافر نے غلطی سے اننیا پانڈے سمجھ لیا۔

اس وجہ سے پلک تیواری مایوسی ہوئیں اور چڑتے ہوئے کہا کہ کیا تم لوگ کچھ بھی بولتے رہتے ہو۔

پلک تیواری ایئرپورٹ سے باہر آئیں تو ایک فوٹو گرافر نے پوچھا کہ ’پلک تیواری بولیں یا پھر اننیا پانڈے کہیں۔‘

پہلے تو پلک نے سوال کو نظر انداز کیا لیکن جب اسے دہرایا گیا تو آخرکار وہ غصے میں آگئیں اور کہا کہ ہمیشہ ایسے کیوں بولتے ہو آپ لوگ۔‘ پھر وہ ناراض ہوکر چلی گئیں۔

واضح رہے کہ پلک تیواری اکثر والدہ شویتا تیواری کی شہرت کی وجہ سے شہ سرخیوں میں رہتی ہیں۔

View this post on Instagram

A post shared by Viral Bhayani (@viralbhayani)

اگرچہ پلک کا موازنہ اسٹار کڈ سے کیا جاتا ہے لیکن ایسا لگتا ہے کہ اننیا پانڈے سے ملایا جانے پلک کو اچھا نہیں لگتا ہے۔

اداکارہ نے ہارڈی سندھو کے ساتھ ’بجلی بجلی‘ کے ساتھ میوزک ویڈیو میں ڈیبیو کیا تھا، سلمان خان کے ساتھ فلم کسی کا بھائی کسی کی جان میں بھی انہوں نے اداکاری کی تھی۔

شائقین انہیں اگلی فلم ’بھوتنی‘ میں دیکھیں گے جس میں وہ سنجے دت، مونی رائے اور سنی سنگھ کے ساتھ کام کررہی ہیں۔

فلم 18 اپریل 2025 کو ریلیز ہونے والی ہے، اس کے علاوہ پلک روزی دی سیفرون چیپٹر میں بھی نظر آئیں گی جس کی ہدایت کاری وویک اوبرائے کر رہے ہیں۔