سابق بھارتی کرکٹر سنیل گواسکر نے بھارتی ٹیم پر تنقید کرنے والے سابق کرکٹرز کو کہا ہے کہ آپ سب کو تنخواہیں بھارتی کرکٹ کی وجہ سے ملتی ہیں۔

انگلینڈ کے سابق کرکٹر ناصر حسین اور مائیکل ایتھرٹن نے بھارتی ٹیم کو بے جا فائدہ ملنے پر تنقید کا نشانہ بنایا تھا، ان کا کہنا تھا کہ بھارتی ٹیم کے میچز صرف دبئی میں ہونے سے انھیں ایڈوانٹیج ملا اور چیمپئنزٹرافی کے لیے بلیو شرٹس کو فیور دیا گیا۔

ناصر حسین اور مائیکل ایتھرٹن اور دیگر سابق کرکٹر نے کہا تھا کہ بھارت کو دوسری ٹیموں پر ایک مخصوص فائدہ دیا گیا ہے، دوسری ٹیمیں مقامات تبدیل کر رہی ہیں، سفر کر رہی ہیں اور مختلف حالات میں ایڈجسٹ ہونے کی کوشش کر رہی ہیں۔

سنیل گواسکر نے کہا کہ یہ لوگ ہمیشہ سے بھارت پر تنقید کرتے آئے ہیں، وہ یہ نہیں سمجھ سکتے کہ بھارت بین الاقوامی کرکٹ میں معیار، آمدنی، ٹیلنٹ اور سب سے اہم بات آمدنی پیدا کرنے کے لحاظ سے کہاں کھڑا ہے۔

سابق لیجنڈ کرکٹر نے کہا ک عالمی کرکٹ میں ٹیلی ویژن کے حقوق اور میڈیا کے ذریعے ہونے والی آمدنی میں بڑے پیمانے پر بھارت کا کردار ہے، انھیں سمجھنا چاہیے کہ انھیں تنخواہیں بھی اس سے ملتی ہیں جو آمدنی بھارت کے سبب کرکٹ کی دنیا میں آتی ہے۔

آسٹریلیا اور افغانستان سے ہارنے کے بعد انگلینڈ پر تنقید کرتے ہوئے گواسکر نے ناصر حسین اور ایتھرٹن کو مشورہ دیا کہ وہ اپنے گھر پر توجہ مرکوز کریں۔

گواسکر نے کہا کہ میرے خیال میں یہ سب سمجھدار اور تجربہ کار لوگ ہیں آپ حقیقت میں یہ کیوں نہیں دیکھتے کہ آپ کی ٹیم کیوں کوالیفائی نہیں کرپائی، مسلسل بھارت پر توجہ مرکوز کرنے کا فائدہ نہیں۔

سابق کرکٹر کامران اکمل نے کہا ہے کہ شاداب پہلے بطور کھلاڑی آکر کارکردگی دکھائے اور جگہ پکی کرے، رضوان کو اتنی جلدی تبدیل نہ کیا جائے۔

اے آر وائی نیوز کے پروگرام میں اظہار خیال کرتے ہوئے سابق وکٹ کیپر بیٹر کامران اکمل کا کہنا تھا کہ رضوان کو بطور کپتان اتنی جلدی تبدیل کرنا اچھی بات نہیں، کسی منظور نظر کو ایسے لیکر آئیں گے تو یہ سسٹم کو ناکام بنانے والی با ت ہوگی۔

کامران اکمل نے کہا کہ ٹی 20 میں کچھ کھلاڑیوں کو طویل عرصے تک آرام کرانا ہوگا، ٹیم میں سارے ہی جوان ہیں، کوئی ڈنڈا لیکر نہیں چلتا، کارکردگی ہی اصل چیز ہے۔

پاکستان کرکٹ ٹیم کہاں غلطیاں کررہی ہے؟ کامران اکمل کا دبنگ تجزیہ

سابق کرکٹر نے کہا کہ سلمان علی آغا ون ڈے اور ٹیسٹ میں سیٹلڈ ہے، سلمان علی آغا کو ٹی 20 میں نہیں ہونا چاہیے، سلمان علی آغا کا تجربہ آسٹریلیا اور زمبابوے میں کیا جاچکا ہے۔

کامران اکمل کا کہنا تھا کہ بھارت، نیوزی لینڈ کی آسٹریلیا سے سیمی فائنل کھیلنے کی خواہش ہوگی، آسٹریلیا کے اس وقت بہت سےکھلاڑی زخمی ہیں، آن پیپر آسٹریلیا کی بولنگ بہت کمزورلگ رہی ہے۔

پاکستان ٹیم چل جائے تو چاند تک، ورنہ تو شام تک! کامران اکمل