کراچی : مصطفیٰ عامر قتل کیس میں ارمغان اور ساحرحسن سے منشیات کی خرید و فروخت میں ملوث بڑے ناموں کی تفصیلات معلوم کرنے کے لیے بڑا فیصلہ کرلیا گیا۔

تفصیلات کے مطابق مصطفیٰ عامر قتل کیس میں تحقیقاتی ٹیم نے ڈی جی اینٹی نار کوٹکس کو بھی تحقیقات میں مدد فراہم کرنے کیلئے خط لکھنے کا فیصلہ کرلیا۔

ذرائع نے بتایا کہ اینٹی نارکوٹکس ارمغان اور ساحر حسن سے منشیات کی خرید و فروخت میں ملوث بڑےناموں کی تفصیلات معلوم کرے گی۔

تحقیقاتی ذرائع کا کہنا ہے کہ ارمغان اور ساحر کی تفتیش میں آنیوالے بڑے ناموں کی گرفتاری عمل میں لائی جائے گی اور ارمغان کے گھر سے ملنے والے اسلحے سے متعلق سی ٹی ڈی بھی فرانزک کروائے گی۔

ذرائع نے کہا کہ ارمغان کے گھر سے اسلحے کو کہاں استعمال ہونا تھا، اس حوالے سے دہشت گردی کے پہلو سے بھی تحقیقات ہوگی۔

مزید پڑھیں : مصطفیٰ عامر قتل کیس : معروف اداکار کے بیٹے نے بڑے بزنس مین اور سیاستدانوں کے نام بتادیئے

یاد رہے ملزم ساحر نے دوران تفتیش بڑے بزنس مین، سیاستدانوں اور دیگر کے نام بتائے تھے ، ملزم کا کہنا تھا کہ منشیات کی آن لائن رقم والد ساجد کے منیجر کے اکاؤنٹ میں منگواتا تھا، پانچ سال سے ماڈلنگ اور تیرہ سال سے ویڈ کا نشہ کر رہا ہوں۔

ملزم نے بتایا تھا کہ وہ دو سال سے ویڈ فروخت کر رہا تھا، بازل اور یحیی سے منشیات لے کر فروخت کرتا تھا کوریئر کمپنیوں کے ذریعے کروڑوں کی منشیات منگوائی، ہر ہفتے چار سے پانچ لاکھ روپے ادا کرتا تھا۔

لاہور: سی ٹی ڈی کے انٹیلی جنس بیسڈ آپریشن کے دوران خطرناک دہشتگرد منموہن سنگھ 20 دہشت گردوں کو گرفتار کرلیا۔

تفصیلات کے مطابق پنجاب میں محکمہ انسداد دہشت گردی ( سی ٹی ڈی) نے 162 انٹیلی جنس بیسڈ آپریشنز کیے ، اس دوران 20 دہشت گردوں کو گرفتار کرلیا گیا۔

ترجمان نے بتایا کہ لاہور سے فتنہ الخوارج کے 2 اور راولپنڈی سے خطرناک دہشت گرد منموہن سنگھ گرفتار کرلیا، دہشت گرد منموہن سنگھ کا تعلق رحیم یار خان سے ہے۔

ترجمان کا کہنا تھا کہ دہشت گردوں سے دھماکا خیز مواد، 3 آئی ای ڈی بم، 23 ڈیٹونیٹر اور حفاظتی فیوز تار برآمد کئے گئے ہیں۔

ترجمان نے کہا کہ دہشتگردوں سے پمفلٹ، نقدی اورموبائل فون بھی برآمد ہوئے ہیں ، دہشت گرد مختلف مقامات پر کارروائی کرکے عوام میں خوف پھیلانا چاہتے تھے۔

محکمہ انسداد دہشت گردی کا کہنا تھا کہ رواں ہفتے کو مبنگ آپریشنز کے دوران 495 مشتبہ افراد گرفتار کیے گئے ہیں۔

پشاور : کرم فسادات میں شامل کالعدم تنظیم کے 14 دہشت گروں کے سروں کی قیمت مقررکردی اور مطلوب افراد کی فہرست بھی جاری کردی۔

تفصیلات کے مطابق خیبر پختونخواہ حکومت نے کرم فسادات میں شامل کالعدم تنظیم کے دہشت گروں کے سروں کی قیمت مقرر کردی۔

انتہائی مطلوب 14 افراد کے سروں کی قیمت 13 کروڑ 30 لاکھ روپے مقرر کی گئی ہے ، اس حوالے سے سی ٹی ڈی نے مطلوب افراد کی فہرست جاری کردی ہے۔

کاظم عرف احمد کے سر کی قیمت 3 کروڑ ، احمداللہ کی 2 کروڑ روپے ، مکرم خان کے سر کی قیمت ڈیڑھ کروڑ اور درویش وزیر کی ایک کروڑ روپے مقرر کی گئی ہے۔

سی ٹی ڈی کا کہنا تھا کہ سیف اللہ، عثمان اور نور اللہ کے سروں کی قیمت ایک ایک کروڑ روپے مقرر کی گئی۔

ترجمان نے کہا کہ دہشت گردوں کا تعلق کالعدم ٹی ٹی پی سے ہے، دہشت گرد امدادی قافلوں پر حملوں، لوٹ مارسمیت خواتین اور بچوں کے قتل میں ملوث ہیں۔

سی ٹی ڈی کا کہنا تھا کہ دہشت گردوں کی اطلاع دینے والوں کو انعامی رقم دی جائے گی۔

کراچی : مصطفیٰ عامر قتل کیس کے مرکزی ملزم ارمغان کے منی لانڈرنگ میں ملوث ہونے سے متعلق تحقیقات شروع کردی گئیں۔

تفصیلات کے مطابق مصطفیٰ عامر قتل کیس میں وفاقی تحقیقاتی ادارے (ایف آئی اے) نے ارمغان کے منی لانڈرنگ میں ملوث ہونے سے متعلق تحقیقات شروع کردی۔

اینٹی منی لانڈرنگ سرکل اورسائبر کرائم سرکل مشترکہ تفتیش کررہے ہیں، حکام نے بتایا کہ ارمغان کے تمام اکاؤنٹس اور پراپرٹیز کو 90 روز کیلئے منجمد کر رہے ہیں۔

ایف آئی اے حکام کا کہنا تھا کہ ارمغان نے اکاؤنٹس سےجن افراد کیساتھ ڈیلنگ کی انہیں بھی شامل تفتیش کیا جائے گا۔

مزید پڑھیں : مصطفیٰ عامر کیس میں ارمغان اور دیگر کیخلاف گھیرا تنگ

منی لانڈرنگ میں ملوث ہونے کے حوالے سے شواہد دینے کیلئے سی آئی اے کو خط لکھ دیا ہے، ملزم کے سائبرکرائم میں ملوث ہونے کے حوالے سے شواہد کا فرانزک کروائیں گے۔

یاد رہے گذشتہ روز قومی اسمبلی کی قائمہ کمیٹی برائے داخلہ نے مصطفی عامر قتل کیس میں ایف آئی اے سائبر کرائم کو تحقیقات کرنے کا حکم دیا تھا۔

بعد ازاں ماہر ایف آئی اے افسران پر مشتمل 3 رکنی کمیٹی تشکیل دے دی گئی تھی، ڈپٹی ڈائریکٹر فرانزک اسلم منظور کمیٹی کی سربراہی کریں گے جبکہ
اسسٹنٹ ڈائریکٹر فرانزک عامرزیب ٹیم میں بطور ممبر شامل ہوں گے جب کہ سب انسپکٹر شعیب شہاب بھی بطور ممبر تحقیقاتی ٹیم میں شامل ہیں۔

حیدرآباد : وزیر توانائی ناصر حسین شاہ نے 150 سے 200 یونٹ استعمال کرنے والے صارفین کو خوشخبری سنادی۔

تفصیلات کے مطابق سندھ سولرا نرجی پروجیکٹ کی جانب سے سولر سسٹم تقسیم کرنے کی تقریب کا انعقاد کیا گیا۔

اس موقع پر وزیر توانائی ناصر حسین شاہ نے کہا کہ سندھ حکومت اور ورلڈ بینک کے تعاون سے 2 لاکھ سولر سسٹم تقسیم کیے جا رہے ہیں، ورلڈ بینک کی کنڈیشن تھی بینفشری کا کچھ نہ کچھ تعاون ہونا چاہیے۔

صوبائی وزیر کا کہنا تھا کہ 2 سال پہلے اس پروگرام میں 40 اور 60 کا ریشو تھا، سندھ میں 1 لاکھ 62 ہزار600 سے زائدا نتہائی غریب خاندان ہیں جبکہ کوہستان، ریگستان اور کچے کے علاقوں میں بھی سولرسسٹم فراہم کیے جائیں گے۔

انھوں نے بتایا کہ بلاول بھٹو کے حکم پر سولر اور ہائبرڈ پارکس بنائے جا رہے ہیں، سولر اور ہائبرڈ پارکس سے جتنی بجلی پیدا ہوگی، نیشنل گرڈ میں بھی دی جائے گی، اس سسٹم سے پیدا بجلی سے 150 سے 200 یونٹ تک والوں کومفت بجلی ملے گی۔

وزیرتوانائی نے کہا کہ بلاول بھٹو کے حکم پر قرضوں کا پروگرام بھی لایا جا رہا ہے، مختلف بینکوں سے قرضہ دلوایا جائے گا، سود سندھ حکومت ادا کرے گی۔

ان کا کہنا تھا کہ پی پی کی حکومت 21 لاکھ گھر بنا کر دے رہی ہے، سیلاب متاثرین کو گھر صرف سندھ حکومت بنا کر دے رہی ہے۔