فرانسیسی حکام نے پاکستان کی جانب سے رافیل طیارہ گرانے کی تصدیق کرتے ہوئے کہا ہے کہ جدید ترین جنگی طیارہ گرانے کا یہ پہلا واقعہ ہے۔
فرانسیسی ساختہ جدید ترین رافیل طیارے کو بھارت حملے کے جواب میں پاکستان نے مار گرایا فرانسیسی حکام نے بھی اس کی تصدیق کر دی ہے۔
فرانسیسی انٹیلی جنس اہلکار نے پاکستان کی جانب سے بھارت کے جوابی حملے میں جدید ترین رافیل طیارہ مار گرانے کی تصدیق کر دی ہے۔
غیر ملکی خبر رساں ادارے سی این این کو فرانسیسی انٹیلی جنس اہلکار نے نہ صرف پاکستان کی جانب سے رافیل طیارہ مار گرانے کی تصدیق کی بلکہ یہ بھی بتایا کہ اس جدید ترین جنگی طیارے کو مار گرانے کا یہ پہلا واقعہ ہے۔
تاہم رافیل بنانے والی فرانسیسی کمپنی ڈسالٹ ایوی ایشن نے سی این این کو اس حوالے سے جواب دینے سے گریز کیا ہے۔
واضح رہے کہ منگل اور بدھ کی درمیانی شب بھارت نے رات کی تاریکی کا فائدہ اٹھاتے ہوئے پاکستان پر حملہ کیا اور شہری آبادیوں کو نشانہ بناتے ہوئے 26 پاکستانیوں کو شہید کیا جن میں خواتین اور بچے بھی شامل تھے۔
پاک بھارت کشیدگی سے متعلق تمام خبریں
پاکستان فوج نے فوری کارروائی کرتے ہوئے بھارت کو منہ توڑ جواب دیا اور اپنےدفاع میں دشمن کے 5 طیارے، ایک ڈرون مارگرایا، 3 رافیل، ایک مگ 29 اور ایک ایس یو طیارے کو مار گرایا۔ تاہم بھارتی حملے میں پاک فضائیہ کے تمام طیارے اور اثاثے محفوظ ہیں۔
دوسری جانب پاکستان کی جانب سے رافیل طیارہ گرائے جانے کے بعد یہ طیارہ بنانے والی فرانسیسی کمپنی کے عالمی مارکیٹ میں شیئرز گر گئے جبکہ جے ایف 17 تھنڈر طیارہ ساز چینی کمپنی کے حصص کی قیمتوں میں اضافہ ہوگیا۔
رافیل کو دھچکا، جے ایف 17 تھنڈر طیارہ ساز چینی کمپنی کے شیئرز کی قیمت میں اضافہ
