دنیا بھر میں مختلف اشیا پر مصوری کا ہنر دکھایا جاتا ہے، یہ اشیا بظاہر دیکھنے میں تو بہت معمولی سی ہوتی ہیں تاہم مصور اپنی مصوری کا جادو دکھا کر ان اشیا کو فن پاروں میں بدل دیتے ہیں۔
بعض مصور اپنے فن کے اظہار کے لیے ایسا انداز اپناتے ہیں جنہیں دیکھ کر عام انسان دنگ رہ جاتے ہیں۔ مصور کی خداد صلاحیت، یکسوئی، محنت اور ہاتھ کی صفائی شاہکار فن پارے تخلیق دے دیتی ہے۔
آج ہم آپ کو ایسے ہی کچھ انوکھے فن پارے دکھانے جارہے ہیں۔ یہ دراصل کانچ کی بوتلیں ہیں جن کے اندر مختلف مناظر تخلیق کیے گئے ہیں۔
ان بوتلوں کے اندر الٹے رخ پر اس طرح پینٹ کرنا کہ وہ باہر سے بالکل سیدھی اور درست معلوم ہوں، نہایت باریک بینی اور مہارت کا کام ہے جو ہر شخص کے بس کی بات نہیں۔
اس طرح کی پینٹنگ دنیا بھر میں نہایت مقبول ہو رہی ہے اور بعض مقامات پر اسے فروخت بھی کیا جاتا ہے جسے لوگ نہایت شوق سے خریدتے ہیں۔
آئیں آپ بھی اس مصوری کا حیرت انگیز نظارہ دیکھیں۔
