پاکستان اور نیوزی لینڈ کے درمیان ون ڈے رینکنگ پر حکمرانی کی جنگ آج سے شروع ہوگی پانچ میچوں پر مشتمل سیریز کا پہلا میچ کھیلا جائے گا۔
اے آر وائی نیوز کے مطابق پاکستان اور نیوزی لینڈ کے درمیان ٹی ٹوئنٹی سیریز دو دو سے برابر ہونے کے بعد اب دونوں ٹیمیں ون ڈے سیریز میں مد مقابل آئیں گی۔ نیا فارمیٹ نیا چیلنج لایا ہے۔ پانچ میچوں کی سیریز کا پہلا میچ آج پنڈی کرکٹ اسٹیڈیم میں کھیلا جائے گا۔ میچ کے بارش سے متاثر ہونے کا اندیشہ ہے۔
سیریز کا نتیجہ ون ڈے رینکنگ پر بھی اثر انداز ہوگا۔ نیوزی لینڈ کے خلاف کلین سوئپ پاکستان کو پانچوں سے سیدھا پہلے نمبر پر پہنچا دے گا جب کہ مہمان ٹیم سیریز جیت پر ون ڈے رینکنگ میں پہلی پوزیشن پر آسکتی ہے۔ یوں آج سے دونوں ٹیموں کے درمیان ون ڈے رینکنگ پر حکمرانی کی جنگ شروع ہوگی۔
یہ سیریز دونوں ٹیموں کے لیے رواں سال بھارت میں شیڈول ون ڈے ورلڈ کپ کی تیاریوں کے لیے بھی مددگار ثابت ہوگی۔ میزبان اور مہمان ٹیموں نے سیریز کے لیے کمر کس لی اور پنڈی اسٹیڈیم میں جم کر پریکٹس کی۔ گزشتہ روز دونوں ٹیموں کے کپتانوں نے ٹرافی کی رونمائی بی کی۔
🏆 reveal for DAFANEWS Presents KFC Pakistan vs New Zealand ODI Series 2023 ✨#PAKvNZ | #CricketMubarak pic.twitter.com/TNf4vlXTj8
— Pakistan Cricket (@TheRealPCB) April 26, 2023
قومی اوپنر امام الحق کہتے ہیں کہ سیریز ورلڈ کپ کی تیاری کے لیے ہم ہے۔ ٹی ٹوئنٹی سیریز میں کی گئی غلطیاں نہیں دہرائیں گے جب کہ نیوزی لینڈ کے کپتان ٹام لیتھم بھی آخری دو ٹی ٹوئنٹی جیتنے کے بعد جیت کا مومینٹم جاری رکھنے کے خواہاں ہیں۔
کیوی کا ون ڈے اسکواڈ ٹام بلنڈل، میٹ ہنری اور چیمپین کی شمولیت سے مضبوط ہوا ہے۔
پاکستان نے نیوزی کے خلاف آخری ون ڈے سیریز 12 سال قبل 2011 میں جیتی تھی۔ شاہینوں کے پاس کیویز کے خلاف شکستوں کا جمود توڑنے کا ہوم گراؤنڈ پر سنہری موقع ہے۔
میچ پاکستانی وقت کے مطابق سہ پہر ساڑھے تین بجے شروع ہوگا کھیل بارش سے متاثر ہونے کا بھی امکان ہے۔