site
stats
کھیل

محمد حفیظ 72 رنز بنا کر آؤٹ ہوگئے

میلبرن : پاکستان اور آسٹریلیاکےدرمیان ون ڈے سیریز کےدوسرےمیچ میں پاکستان کی بیٹنگ جاری ہے محمد حفیظ 72 رنز کی شاندار اننگز کھیلنے کے بعد آؤٹ ہوگئے، پاکستان نے 221 رنز کے ہدف میں تین وکٹوں کے نقصان پر 142 رنز بنا لیے ہیں۔

تفصیلات کےمطابق آسٹریلیا کے شہر میلبرن میں کھیلے جارہے دوسرے ون ڈے میچ میں مہمان ٹیم پاکستان نے شاندار آغازکیا۔

پاکستان کی جانب سےمحمد حفیظ اور شرجیل خان نے اننگز کا اچھا آغاز کیااور 68رنزکی شراکت قائم کی،تاہم شرجیل خان 29 رنز بناکر آؤٹ ہوگئے۔

قومی ٹیم کی جانب سے بابر اعظم نے 34رنزاسکور کیے اور آسٹریلوی فاسٹ باؤلر مچل اسٹراک کی گیند پر کیچ آؤٹ ہوئے۔قومی ٹیم کی جانب سے اس وقت کپتان شعیب ملک اور اسد شفیق کریز پر موجود ہیں۔

میزبان ٹیم آسٹریلیا کے خلاف پاکستان ٹیم کے کپتان محمد حفیظ نے 72رنزکی شاندار اننگز کھیلی۔

مزید پڑھیں:میلبرن ون ڈے: آسٹریلیا 220رنز پر ڈھیر

اس سے قبل میزبان ٹیم آسٹریلیا نے پاکستان کے خلاف بیٹنگ کرتے ہوئے 220رنز بنائے تھے،آسٹریلیا کی جانب سے کپتان اسٹیون اسمتھ نے65رنز اسکور کیےتھے۔

واضح رہےکہ پاکستان کی جانب سے محمد عامر نےتین،جنیدخان،عماد وسیم نےدو،دوجبکہ حسن علی اورشعیب ملک نے ایک،ایک کھلاڑی کو آؤٹ کیاتھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top