اسلام آباد: دورہ نیوزی لینڈ کے لیے قومی ٹیم کے تمام 35 کھلاڑیوں کے کرونا ٹیسٹ منفی آ گئے۔
تفصیلات کے مطابق قومی ٹیم کے دورہ نیوزی لینڈ کے سلسلے میں کھلاڑیوںکے کرونا ٹیسٹ کیے گئے تھے، جس کی رپورٹ منفی آ گئی ہے، 20 رکنی ٹیم اسٹاف کا بھی کرونا وائرس ٹیسٹ کلیئر آ گیا۔
پاکستانی ٹیم کل صبح 3 بجے نیو زی لینڈ کے لیے روانہ ہوگی، نیوزی لینڈ پہنچ کر ٹیم ولنگٹن میں 14 روزہ قرنطینہ مکمل کرےگی۔
پاکستانی ٹیم دورہ نیوزی لینڈ میں 3 ٹی 20 اور 2 ٹیسٹ میچز کھیلے گی، جب کہ پہلا ٹی ٹوینٹی 18 دسمبر کو آکلینڈ میں کھیلا جائے گا۔
اب مجھ پر نئے چیلنجز اور نئی ذمہ داریاں آئی ہیں: بابراعظم
قومی ٹیم کے کپتان بابر اعظم نے دو دن قبل میڈیا سے گفتگو کرتے ہوئے کہا تھا ہم نیوزی لینڈ کے خلاف کافی اچھی کرکٹ کھیلے ہیں اس دورے کے موقع پر بھی کوشش کریں گے کہ اچھی شروعات کریں۔
New Zealand bound Pakistan squad arrival at the hotel in Lahore. #HarHaalMainCricket pic.twitter.com/4rsWsZJTdV
— Pakistan Cricket (@TheRealPCB) November 20, 2020
انھوں نے کہا دورہ نیوزی لینڈ کے لیے کھلاڑی پرجوش ہیں، نیوزی لینڈ کے خلاف اچھا ریکارڈ ہے، جب بھی باہر جاتے ہیں تو چیلنجز تو ہوتے ہیں، لیکن ٹیم پُر اعتماد ہے، اچھا پرفارم کرتی آ رہی ہے۔
تینوں فارمٹ کے کپتان بابر اعظم نے کہا میں پریشر کو انجوائے کرتا ہوں، کوشش ہوتی ہے اچھا کھیلوں، سینئر کھلاڑیوں کے ساتھ کھیلتے ہیں تو کافی سیکھنے کو ملتا ہے۔
