The news is by your side.

Advertisement

اننگ ڈیکلیئر کرنے پر عثمان خواجہ نے کیا کہا؟

آسٹریلوی بلے باز عثمان خواجہ نے لاہور ٹیسٹ میں کپتان کے بڑے فیصلے کی تائید کرتے ہو کہا ہے کہ میرے خیال میں اننگ ڈیکلیئر کرنےکا فیصلہ درست تھا۔

کینگروز نے دوسری اننگز تین وکٹوں کے نقصان پر 227 رنز بنا کر ڈکلیئر کردی تھی اور پاکستان کو جیت کے لیے 351 رنز کا ہدف دیا تھا۔

آسٹریلوی اوپنر عثمان خواجہ 104 رنز کے ساتھ ناٹ آؤٹ رہے تھے جبکہ ڈیوڈ وارنر نے 51 رنز کی اننگز کھیلی تھی۔

پاکستان ٹیم کے بیٹنگ کوچ محمد یوسف نے ڈکلیئر کو بولڈ فیصلہ قرار دیتے ہوئے کہا تھا کہ بہادری سے فیصلہ کر کے نتیجے کی طرف گئے خیال تھاکہ آسٹریلیا 5، 4اوور مزید کھیلے گا اور 380 رنز تک جائے گا پانچویں روز کھیلنا آسان نہیں ہوتا لیکن ہمارا ہدف جیت ہے کمنز اور اسٹارک ٹاپ کلاس بولرز ہیں ان کی ریورس سوئنگ کھیلنا ہوگی۔

عثمان خواجہ نے کہا کہ اس دورےمیں اچھی بیٹنگ کی جس پرخوشی ہے پچ میں گیند اسپن ہونے لگاہے اور ریورس بھی ہورہا ہے پانچویں روز پچ بیٹنگ کےلیےآسان نہیں ہوگی۔

انہوں نے کہا کہ شائقین نےبہت سپورٹ کیا یہاں کھیل کر انجوائےکیا میرے خیال میں اننگ ڈیکلیئر کرنےکا فیصلہ درست تھا۔

Comments

یہ بھی پڑھیں