لاہور : پاک بھارت کرکٹ سیریز کی اجازت مل گئی یا نہیں یہ بات اب ایک معمہ بن گئی ہے، چیئرمین پی سی بی نے کہا ہے کہ حکومت کی جانب سے گرین سگنل تاحال نہیں ملا۔ لیکن وزیر اطلاعات نے شائقین کرکٹ کو وزیر اعظم کی اجازت کی نوید سنادی۔
تفصیلات کے مطابق پاک بھارت کرکٹ روابط کی بحالی کیلئے کوشششیں جاری ہیں، چیئرمین پی سی بی شہر یار خان کی جانب سے اجازت کیلئے حکومت کو لکھی گئی چٹھی آخر کس کو ملی؟ جس کے جواب کا شہریار خان کو انتظار ہے۔
اس کے علاوہ وزیر اطلاعات پرویز رشید نےشائقین کرکٹ کو خوشخبری سنا دی۔ صحافیوں سے گفتگو کرتے ہوئے انہوں نے بتایا کہ وزیر اعظم نے سیریز گرین سنگل دے دیا ہے۔ پاک بھارت سیریز سری لنکا میں کھیلنے میں کوئی ہرج نہیں۔
پاکستانی شائقین پریشان ہیں کہ کس کی بات کا یقین کریں ۔ پی سی بی اور حکومتی ذرائع کے متضاد بیانات نے سیریز کی اجازت کو ایک معمہ بنا دیا ہے۔
