تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیوزی لینڈ ٹیم کے دورہ پاکستان کا شیڈول جاری

لاہور : پاکستان کرکٹ بورڈ نے نیوزی لینڈ کی کرکٹ ٹیم کے دورہ پاکستان کا شیڈول جاری کر دیا ہے، مذکورہ ٹیم کا18 سال بعد پاکستان کا یہ پہلا دورہ ہوگا۔

پی سی بی کی پریس ریلیز کے مطابق نیوزی لینڈ کی ٹیم دورے کے دوران آئی سی سی مینز کرکٹ ورلڈ کپ سپر لیگ میں شامل تین ون ڈے انٹرنیشنل میچز اور پانچ ٹی ٹونٹی انٹرنیشنل میچز کھیلے گی۔

مہمان ٹیم 3 ون ڈے اور5 ٹی ٹوئنٹی میچز کھیلنے 11 ستمبر کو پاکستان پہنچے گی، تینوں ون ڈے راولپنڈی اور پانچوں ٹی 20میچ لاہور میں کھیلے جائیں گے۔

ون ڈے انٹرنیشنل سیریز میں شامل 3میچ 17، 19 اور 21 ستمبر کو کھیلے جائیں گے، اس کے علاوہ ٹی 20 انٹرنیشنل سیریز کے پہلے تین میچز 25، 26 اور 29 ستمبر کو کھیلے جائیں گے۔

پاکستان کرکٹ بورڈ کے اعلامیہ کے مطابق آخری دو ٹی 20انٹرنیشنل میچز یکم اور 3اکتوبر کو کھیلے جائیں گے، سیریز کے تینوں ون ڈے آئی سی سی مینز کرکٹ ورلڈکپ سپر لیگ کا حصہ ہیں۔

سیریز میں شامل تمام 5 ٹی ٹونٹی انٹرنیشنل میچز قذافی اسٹیڈیم لاہور میں کھیلے جائیں گے جو 25 ستمبر سے 3 اکتوبر تک جاری رہیں گے۔ نیوزی لینڈ کی ٹیم ٹیسٹ سیریز کھیلنے آئندہ سال دوبارہ پاکستان آئے گی۔

Comments

- Advertisement -