ابوظہبی : پاکستان نے ورلڈ چیمپئن ویسٹ انڈیز کو ٹی ٹوئنٹی میں کلین سوئپ کردیا، کپتان سرفراز احمد کی شاندار حکمت عملی کے باعث پاکستان نے فارمیٹ کے تینون میچ باآسانی جیت لی۔
عماد وسیم میں آف دی میچ اور مین آف دی سیریز کے حقدار قرار پائے۔
تفصیلات کے مطابق پاکستان اور ویسٹ انڈیز کے درمیان جاری تین میچز کی ٹی ٹوئنٹی سیریز اپنے اختتام کو پہنچ گئی، آخری میچ میں شاہینوں نے کالی آندھی کو آٹھ وکٹوں سے شکست دے دی۔
ویسٹ انڈیز کے ایک سو چار رنز کے جواب میں پاکستان نے مطلوبہ ہدف 15.1 اوور میں پورا کرلیا اور اس کے صرف دو کھلاڑی آؤٹ ہوئے.
دبئی کے بعد ابو ظہبی کا میدان بھی پاکستان کے نام رہا، تیسرے اور آخری ٹی ٹوئنٹی میچ میں باؤلرز کی عمدہ کارکردگی کے باعث ویسٹ انڈیز ٹیم بڑا اسکور کرنے میں ناکام رہی اور مقررہ 20 اوورز میں قومی کرکٹ ٹیم کو جیت کے لیے 104 رنز کا ہدف دیا۔
شعیب ملک 37 رنز کے ساتھ سرفہرست رہے جبکہ بابر اعظم 27 رنز کے ساتھ دوسرے نمبر پر رہے۔
پاکستان کی جانب سے ہدف کے تعاقب میں اوپنرز خالد لطیف اور شرجیل خان نے کھیل کا آغاز کیا۔ خالد لطیف 21 اور شرجیل خان 11 رنز بنا کر پویلین لوٹ گئے۔
اس سے قبل قومی کرکٹ ٹیم نے ٹاس جیت کر مخالف ٹیم کو پہلے بیٹنگ کی دعوت دی۔ ویسٹ انڈیز ٹیم کے بلے بازوں نے ابتدائی اوورز میں جارحانہ کھیل پیش کرنے کی کوشش کی تاہم بائیں ہاتھ سے باؤلنگ کروانے والے پاکستانی اسپینر عماد وسیم نے تیسرے اوور کی دوسری بال پر اوپنر جانس چارلس کی وکٹ حاصل کرلی۔
ویسٹ انڈیز نے مقرررہ 20 اوور ز میں 5 وکٹوں کے نقصان پر 103رنز بنائے جس میں سیمیول 42رنز کے ساتھ سرفہرست رہے جبکہ پولارڈاور پوران16،16رنز کے ساتھ دوسرے نمبر رہے۔
پاکستان کی جانب سے عماد وسیم نے شاندار بالنگ کا مظاہرہ کرتے ہوئے مخالف ٹیم کے تین کھلاڑیوں کو پولین پہنچایا جبکہ محمد نواز نے ایک وکٹ حاصل کی۔
آخری معرکے کے لیے دونوں ٹیم میں 2،2 تبدیلیاں کی گئیں ، پاکستان نے وہاب ریاض اور حسن علی کی جگہ محمد عامر اور رومان رئیس کو ٹیم کا حصہ بنایا جب کہ ویسٹ انڈیز نے کیسرک ولیمز اور چیڈوک والٹن کو ٹیم میں شامل کیا.
