پاکستان ویسٹ انڈیز سیریز کے لیے ٹکٹوں کی فروخت کا آغاز ہو گیا ہے۔
تفصیلات کے مطابق پاکستان بمقابلہ ویسٹ انڈیز کرکٹ سیریز کے لیے ٹکٹوں کی فروخت شروع ہو گئی ہے، ٹکٹ کی کم سے کم قیمت 300 روپے، اور زیادہ سے زیادہ 500 روپے مقرر کی گئی ہے۔
سیریز کے تمام میچز آئی سی سی مینز کرکٹ ورلڈ کپ سپر لیگ میں شامل ہیں۔
واضح رہے کہ ویسٹ انڈیز کی ٹیم رواں ماہ 3 ون ڈے میچوں کی سیریز کھیلنے کے لیے پاکستان آ رہی ہے اور دونوں ٹیموں کے درمیان میچ بالترتیب 8، 10 اور 12 جون کو کھیلے جائیں گے۔
ویسٹ انڈیز کیخلاف ون ڈے سیریز، قومی ٹیم سے متعلق اہم خبر
پی سی بی کی جانب سے ویسٹ انڈیز کے خلاف اعلان کردہ 16 رکنی قومی اسکواڈ میں 3 اوپنرز، 3 مڈل آرڈر بیٹرز، 2 وکٹ کیپرز، 3 اسپنرز کو شامل کیا گیا ہے جب کہ 5 فاسٹ بولرز کو بھی قومی اسکواڈ کا حصہ بنایا گیا ہے۔
Get your tickets at affordable prices for the #PAKvWI ODI series in Multan NOW 🎫🙌#BackTheBoysInGreen pic.twitter.com/SYN84lARLn
— Pakistan Cricket (@TheRealPCB) June 3, 2022
اعلان کردہ قومی اسکواڈ میں بابر اعظم (کپتان)، نائب کپتان شاداب خان، محمد رضوان، عبداللہ شفیق، فخر زمان، حارث رؤف، حسن علی، افتخار احمد اور امام الحق، خوشدل شاہ، محمدحارث، محمد نواز، محمد وسیم جونیئر، شاہین شاہ آفریدی، شاہنواز ڈاہانی اور زاہد محمود شامل ہیں۔
