بھارت میں 35 سال سے مقیم پاکستانی خاتون کو ملک چھوڑنے کا حکم دے دیا گیا۔
بھارتی میڈیا رپورٹ کے مطابق اڑیسہ کی پولیس نے 35 سال سے زائد عرصے سے بھارت میں مقیم پاکستانی خاتون ساردا بائی کو ملک چھوڑنے کا حکم دیا ہے۔
حکام نے تصدیق کی کہ ساردا بائی کا ویزا منسوخ کر دیا گیا ہے اور انہیں بلا تاخیر پاکستان واپس آنے کی ہدایت کی گئی ہے۔
پولیس نے خبردار کیا ہے کہ اگر وہ ملک بدری کے حکم کی تعمیل کرنے میں ناکام رہی تو ان کے خلاف قانونی کارروائی کی جائے گی۔
پولیس کا یہ اقدام پہلگام میں فالس فلیگ آپریشن کے بعد پاکستان کا مقابلہ کرنے کے لیے کیے گئے اقدامات کے سلسلے کا حصہ ہے۔
ساردا بائی کی شادی بولانگیر کے ایک ہندو خاندان میں ہوئی تھی اور کئی سال قبل مہیش ککریجا کے ساتھ شادی کے بندھن میں بندھے تھے اور ان کا بیٹا اور بیٹی ہندوستانی ہیں۔
ووٹر آئی ڈی سمیت تمام اہم دستاویزات ہونے کے باوجود انہیں کبھی ہندوستانی شہریت نہیں دی گئی۔
خاتون نے اب حکومت سے درخواست کی ہے کہ وہ انہیں خاندان سے الگ نہ کرے۔
انہوں نے کہا کہ میرا پاکستان میں کوئی نہیں ہے، پاسپورٹ بھی بہت پرانا ہے، میں حکومت اور آپ سب سے ہاتھ جوڑ کر کہتی ہوں ، براہ کرم مجھے یہاں رہنے کی اجازت دیں، میرے دو بچے ہیں، پوتے، میں یہاں ایک بھارتی کے طور پر رہنا چاہتی ہوں۔
بولانگیر پولیس نے کہا ہے کہ وہ قانون کے تحت کارروائی کریں گے صورتحال بدستور کشیدہ ہے۔
