The news is by your side.

Advertisement

پاکستان دنیا کی 23 مضبوط قوموں کی فہرست میں‌ شامل

کراچی: برطانوی اخبار کا کہنا ہے کہ  دنیا کی 23 مضبوط قوموں کی فہرست میں پاکستان شامل ہوگیا ہے، مسائل کے باوجود پاکستان کی معیشت میں خاطر خواہ بہتری آئی ہے.

بین القوامی سطح پر بھی اعتراف کرلیا گیا ہے کہ پاکستانی قوم طاقتور اورمضبوط ہے، دنیا کے طاقتور ممالک  کی فہرست میں پاکستان کا نمبر بیسواں ہے، برطانوی اخبارکے مطابق پاکستان میں دہشتگردی،سیاسی عدم استحکام اور انتہا پسندی کے مسائل کے باوجود پاکستانی ایک مضبوط اورطاقتور قوم ہیں۔

برطانوی اخبار کے مطابق پاکستانی معشیت کی بہتری حیران کن ہے تاہم غیر ملکی سرمایہ کاری میں خاطرخواہ اضافہ نہیں ہوا۔

برطانوی اخبار کا کہنا ہے کہ  پاکستان کودہشت گردی، کرپشن اورانتہا پسندی جیسے مسائل کاسامنا ہے، تاہم ان مسائل کے باوجود پاکستان کی معیشت میں خاطر خواہ بہتری آئی ہے۔


 پاکستان دہشت گردوں کے خلاف جنگ جیت چکا ہے، برطانوی اخبار کا اعتراف


یاد رہے کہ اس سے قبل برطانوی اخبار نے اعتراف کیا کہ پاکستان دہشت گردوں کے خلاف جنگ جیت چکا ہے ، میں پاک فوج کی کامیابیوں کو سراہتے ہوئے امن کی بحالی کو معجزہ قراردیا تھا۔

رپورٹ کے مطابق شکست خوردہ دہشت گرد پاکستانی عوام کو نشانہ بنا رہے ہیں، نائن الیون کے بعدشمالی وزیرستان القاعدہ اورکالعدم طالبان کا گڑھ تھا لیکن پاک فوج کی کارروائیوں میں بہت سے دہشتگرد ہلاک اور فرار ہوچکے ہیں جبکہ وانا چھوڑ کر جانے والے شہری اب اپنے گھروں کو لوٹ رہے ہیں۔

علاوہ ازاں امریکی بزنس کونسلکے سروے میں 78 فیصد امریکی کمپنیوں نے پاکستان میں امن و امان کی صورتحال بہتر ہونے کے بعد سرمایہ کاری کرنے کی خواہش کا اظہار کیا تھا۔

ماہرین کے مطابق پاکستان میں آنے والی اس خوشگوار تبدیلی کا سہرا “سی پیک” کو جاتا ہے۔

Print Friendly, PDF & Email

Comments

comments

یہ بھی پڑھیں