اسلام آباد: قومی ادارہ صحت نے ملک میں تیسرے منکی پاکس کی تصدیق کردی ہے۔
اے آر وائی نیوز کے مطابق این آئی ایچ کا کہنا ہے کہ جے پی ایم سی کراچی نے منکی پاس کیس کی تصدیق کی ہے جس کے بعد ملک میں اب تک منکی پاکس کے تین کیسز رپورٹ پوچکے ہیں۔
این آئی ایچ کا کہنا ہے کہ سندھ سے منکی پاس کا پہلا کیس رپورٹ ہوا ہے منکی پاکس کا مریض نوجوان بیرون ملک سے واپس آیا ہے۔
متاثرہ شخص میں کیا علامات ظاہر ہوتی ہیں؟
عالمی ادارہ صحت کے مطابق منکی پاکس کی علامات بھی چیچک سے ملتی جلتی ہیں البتہ اس کی شدت چیچک سے کم ہوتی ہے۔
عام طور پر اس کی علامات ایک سے دو ہفتوں کے درمیان سامنے آتی ہیں۔ متاثرہ شخص میں پہلے سر درد، بخار، سانس پھولنے کی علامات ظاہر ہوتی ہیں اور پھر چیچک کی طرح جسم میں دانے نمودار ہوجاتے ہیں۔مرض کی شدت کے اعتبار سے ان دانوں کے حجم میں فرق ہوسکتا ہے۔ ان دانوں میں پَس بھی موجود ہوتا ہے اور مریض کو بے چینی اور خارش بھی محسوس ہوسکتی ہے۔
کیا منکی پاکس جان لیوا ہے؟
مرض شدت اختیار کرجائے تو منکی پاکس جان لیوا بھی ثابت ہو سکتا ہے۔ اس کی جن دو اقسام کا ہم نے ذکر کیا تھا ان میں مغربی افریقی قسم کی شدت کانگو طاس کے مقابلے میں کم ہوتی ہے۔
عالمی ادارہ صحت کے مطابق مغربی افریقا میں پائے جانے والے منکی پاکس وائرس میں شرح اموات 3.6 فیصد ہے جبکہ کانگو طاس ریجن کے منکی پاکس وائرس میں شرح اموات 10.6 فیصد ہے۔اچھی بات یہ ہے کہ امریکا اور یورپی ممالک میں کم شدت والے منکی پاکس وائرس کے کیسز سامنے آئے ہیں۔
متاثرہ شخص میں منکی پاکس وائرس کی تشخیص کیسے ہوگی؟
عالمی ادارہ صحت کے مطابق کسی بھی شخص میں منکی پاکس وائرس ہے یا نہیں اسے جانچنے کیلئے مؤثر ترین طریقہ پولی میریس چین ری ایکشن (پی سی آر) ٹیسٹ ہے۔ اس مقصد کیلئے متاثرہ شخص کے جسم میں ابھرے دانوں میں بھرے مواد کو بطور نمومہ استعمال کیا جاتا ہے۔
