تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پاک فضائیہ کا تربیتی طیارہ گر کر تباہ، 2 پائلٹ شہید

پشاور کے قریب پاک فضائیہ کا تربیتی طیارہ گر کر تباہ ہوگیا جس کے نتیجے میں دونوں پائلٹ شہید ہوگئے۔

اے آر وائی نیوز کے مطابق ترجمان پاک فضائیہ کا کہنا ہے کہ پاک فضائیہ کا تربیتی طیارہ معمول کی ٹریننگ مشن کے دوران گر کر تباہ ہوا جس کے نتیجے میں دونوں پائلٹ شہید ہوگئے۔

ترجمان پاک فضائیہ کا کہنا ہے کہ ایئر ہیڈ کوارٹر نے بورڈ آف انکوائری تشکیل دے دیا ہے۔

ذرائع کا بتانا ہے کہ زمین پر کسی جانی اور مالی نقصان کی اطلاع نہیں ملی ہے۔

واضح رہے کہ گزشتہ سال دسمبر میں بھی مردان کے قریب پاک فضائیہ کا تربیتی طیارہ معمول کی پرواز کے دوران گر کر تباہ ہوگیا تھا۔

گزشتہ سال نومبر میں بھی پاک فضائیہ کا لڑاکا تربیتی طیارہ اٹک کے قریب گر کر تباہ ہوگیا تھا، دونوں پائلٹ جہاز سے بحفاظت اترنے میں کامیاب رہے تھے۔

Comments

- Advertisement -