شوال : دہشت گردوں کیخلاف آپریشن میں پاک فوج کی زبردست کامیابیوں کا سلسلہ جاری ہے، دہشت گردوں کے اہم ٹھکانے تباہ کردیئے گئے، چھ سو چالیس مربع کلومیٹرکاعلاقہ دہشتگردوں سے خالی کرالیا گیا ہے۔
آئی ایس پی آر کے مطابق افغان سرحد پر دہشت گردوں کے آخری مرکز پر کنٹرول کیلئے لڑائی جاری ہے، قبائلی علاقے شوال میں آپریشن کے آخری مرحلے کے دوران دوسوباون دہشت گرد مارے گئے جبکہ ایک سو ساٹھ دہشت گرد زخمی ہوئے۔
آپریشن کے دوران آٹھ جوان شہید اور انتالیس زخمی ہوئے۔ شمالی وزیرستان میں جون دو ہزار چودہ میں آپریشن شروع کیاگیا تھا۔ فروری دو ہزار سولہ میں آپریشن کےآخری مرحلےمیں دہشتگردوں کےٹھکانوں کوتباہ کردیاگیا ہے۔
آئی ایس پی آر کے مطابق آپریشن ضرب عضب سے فاٹا میں حکومتی رٹ بحال کرادی گئی ہے، شمالی وزیرستان میں چار ہزار تین سو چار مربع کلومیٹرکاعلاقہ خالی کرایاگیا۔
شمالی وزیرستان میں نو ہزارفٹ بلندچوٹیوں پرپاک فوج کے جوانوں کاکنٹرول ہے، پاک فوج نے شوال میں ایک سو پچاس کلومیٹرکے طویل راستےبنائے، آئی ایس پی آر کے مطابق شمالی وزیرستان کے سینتیس ہزار بارہ خاندان اپنےگھروں کو واپس آگئے ہیں۔
