لندن : رائل ملٹری اکیڈمی سینڈہرسٹ برطانیہ میں ملڑی ڈرل میں پاکستان آرمی نے دوسری پوزیشن حاصل کرلی، حوالدار نعمان کو بہترین انفرادی ڈرل سارجنٹ کے اعزاز سے نوازا گیا۔
تفصیلات کے مطابق رائل ملٹری اکیڈمی سینڈہرسٹ برطانیہ میں ملڑی ڈرل کے معیار کو جانچنے کے لئے سالانہ منعقد ہونے والے انٹرنیشنل پیس سٹکنگ 2023 کے مقابلے اختتام پذیر ہوگئے۔
مقابلوں میں پاکستان آرمی نے شاندار کارکردگی کا مظاہرہ کرتے ہوئے دوسری پوزیشن حاصل کی، پاکستان آرمی نے 2018ء میں پہلی بار انٹرنیشنل پیس سٹکنگ کے مقابلوں میں حصہ لیا۔
سالانہ منعقد ہونے والے منفرد طرز کے مقابلوں میں اب تک مجموعی طور پاکستان آرمی نے سال 2018ء، 2019ء اور 2020ء میں پہلی پوزیشن حاصل کی جبکہ سال 2022ء اور 2023ء میں پاکستان آرمی کی ٹیم دوسری پوزیشن حاصل کرنے میں کامیاب رہی۔
سال 2021ء میں کو رونا کی وبا کی وجہ سے مقابلے منسوخ کر دیئے گئے تھے تاہم سال 2023ء کے مقابلوں میں پاکستان آرمی کے حوالدار نعمان کو بہترین انفرادی ڈرل سارجنٹ کے اعزاز سے نوازا گیا۔
انٹرنیشنل پیس اسٹکنگ 2023 میں کل 16 ملکوں کی ٹیموں نے حصہ لیا، اختتامی تقریب میں پاکستان سے کل پانچ ڈرل سارجنٹس نے حصہ لیا۔
پاکستان ملٹری اکیڈمی کے مایہ ناز ڈرل اسکواڈ کی کارکردگی کو برطانوی ناظرین کی طرف سے پسند کیا گیا اور بے حد سراہا۔
