روالپنڈی : پاک فوج نے اخراجات بچانے کیلئے مسلح افواج کی روایتی پریڈ محدود پیمانے پر کروانے کا فیصلہ کرلیا، پریڈ ایوان صدر میں ہوگی۔
تفصیلات کے مطابق پاک فوج کفایت شعاری پالیسی پر عوام کے شانہ بشانہ ہیں ، ملک کو درپیش معاشی چیلنجز کے پیش نظر پاک فوج نے اخراجات بچانے کیلئے مسلح افواج کی روایتی پریڈ محدود پیمانے پر کروانے کا فیصلہ کر لیا۔
ذرائع نے بتایا کہ پریڈ روایتی انداز میں شکر پڑیاں کی بجائےایوان صدرمیں منعقد ہوگی۔
- Advertisement -
ذرائع کا کہنا تھا کہ پاک فوج کی جانب سے بچت کے لئے محدودپریڈکرانےکافیصلہ کیاگیا، روایتی پریڈ پر بڑے پیمانے پر اخراجات ہوتے تھے۔
پاک فوج ملک کے مشکل وقت میں پوری قوم کے ساتھ کھڑی ہے، ملک کی ترقی میں پاک فوج اپنا کردار ادا کرتی رہے گی۔
