پاکستان آرمی نے کے ٹو بیس کیمپ سے کامیاب ریسکیو مشن کرتے ہوئے کوہ پیماثمینہ بیگ کو صحت خراب ہونے پر ریسکیو کر لیا۔
پاکستانی کوہ پیما ثمینہ بیگ بین الاقوامی سطح کی کےٹو ایکسپیڈیشن کاحصہ تھیں۔ وہ ایکسپیڈیشن میں پاکستان اور اٹلی کے کوہ پیماؤں کی مشترکہ ٹیم کاحصہ تھیں۔
ثمینہ بیگ کو 5 جولائی 2024 کو صحت کی سنگین حالت کے پیشِ نظر کوہ پیما مشن چھوڑنا پڑا۔ ابتدائی طور پر ثمینہ بیگ کو کے 2بیس کیمپ منتقل کیا گیا جہاں گھوڑے پر واپس اسکولی لے جایا گیا۔
پاکستان آرمی ایوی ایشن کی ریسکیو کیلئے تیار فلائٹ موسم کی خرابی کی وجہ ممکن نہ ہوسکی۔ ثمینہ بیگ کواسکولی سےآج صبح بذریعہ سڑک منتقل کرناشروع کیا گیا۔
اونچائی کم ہونے سےثمینہ بیگ کی صحت میں بہتری آئی ہے۔ پاک آرمی ڈاکٹرز کی ٹیم بھی سی ایم ایچ اسکردو میں موجود ہے۔ ثمینہ بیگ کی اسکردو سے مزید منتقلی کا فیصلہ صحت کی حالت کا جائزہ لینے پر کیا جائے گا۔
