اسلام آباد : پاکستان بزنس فورم نے بجلی کے بڑھتے بلوں پر ملک گیر احتجاج کا الٹی میٹم دیتے ہوئے کہا کہ بجلی بلوں کا حال یہی رہا تو صنعتی شعبہ مکمل بند ہو جائے گا۔
تفصیلات کے مطابق پاکستان بزنس فورم نے بجلی کے بڑھتے بلوں پر ملک گیر احتجاج کا الٹی میٹم دے دیا ، پاکستان بزنس فورم کی جانب سے بیان میں کہا گیا کہ مہنگے بجلی کے بلوں نے عوام اور کاروباری طبقہ کو مقروض کر کے رکھ دیا۔
پاکستان بزنس فورم کا کہنا تھا کہ بزنس کمیونٹی اور عوام سڑکوں پر حکومت کی بے بسی کو للکار رہے ہیں، حکومت بجلی کی قیمت کو کم کرے اور بجلی کی چوری کی روک تھام کرے، ہر ماہ مفت بجلی کے یونٹس کو فوری ختم کیا جائے۔
پاکستان بزنس فورم نے کہا کہ برآمدی شعبہ اس وقت اپنے آرڈر پورے نہیں کر پا رہا، بجلی بلوں کا حال یہی رہا تو صنعتی شعبہ مکمل بند ہو جائے گا۔
ان کا کہناتھا کہ حکومت سمجھنے کی کوشش کرے موجودہ ٹیرف قوم کی برداشت سے باہر ہے۔
