The news is by your side.

Advertisement

پاکستان کی مقبوضہ کشمیر میں بھارتی افواج کے ہاتھوں کشمیریوں کے قتل عام کی مذمت

مقبوضہ کشمیر میں بھارتی افواج کے ہاتھوں کمشمیریوں کے قتل عام میں شدت آگئی ہے پاکستان نے بھارتی افواج کے ہاتھوں کشمیریوں کے قتل کی شدید مذمت کی ہے۔

ترجمان دفتر خارجہ نے گزشتہ روز پلوامہ میں 2 کشمیریوں کے ماورائےعدالت قتل کی مذمت کرتے ہوئے کہا ہے کہ 4 دنوں میں 9 کشمیریوں کی شہادت انتہائی قابل مذمت ہے، 5 اگست 2019 کے بعد سے اب تک 609 سے زائد کشمیریوں کو شہید کیا جاچکا ہے۔

ترجمان دفتر خارجہ کے مطابق مقبوضہ کشمیر میں قتل وغارت گری کا سلسلہ جاری ہے اور یہ قتل عام بھارت کا کشمیریوں کیخلاف ریاستی دہشت گردی کا واضح مظہر ہے، یاسین ملک کی سزا کے بعد بھارتی افواج نے ماورائےعدالت قتل میں اضافہ کردیا ہے۔

 یہ بھی پڑھیں: مقبوضہ کشمیر: بھارتی فوج کے ہاتھوں مزید 2 نوجوان شہید

ترجمان دفتر خارجہ نے عالمی برادری سے مطالبہ کیا ہے کہ عالمی برادری انسانی حقوق کی خلاف ورزیوں پر بھارت کو جوابدہ ٹھہرائے اور بھارت اقوام متحدہ کے کمیشن آف انکوائری کو تحقیقات کی اجازت دے۔

Comments

یہ بھی پڑھیں