اسلام آباد : پاکستان کی جانب سے سرمایہ کاری کیلئےمتحدہ عرب امارات کو 5 اہم معدنی منصوبے پیش کرنے پر غور جاری ہے، جس میں چاغی، وزیرستان، گوادر اور بلوچستان منرل ریسورسز لمیٹڈ کےکاپربلاکس شامل ہیں۔
تفصیلات کے مطابق ایس آئی ایف سی کے ترجیحی شعبے کان کنی اور معدنیات کی ترقی و خوشحالی ملکی معیشت کے استحکام کی ضامن ہے ، حکومت کا 8 ٹریلین ڈالر مالیت کے معدنی وسائل سے استفادہ، سرمایہ کاری کے فروغ کے لیے اپریل میں معدنی کانفرنس منعقد ہوگی۔
ایس آئی ایف سی کے تعاون سے ریکوڈک منصوبہ 2028 تک فعال ہوگا، منصوبے میں 5.5 بلین ڈالر سرمایہ کاری ہوگی، جبکہ سالانہ 2.8 بلین ڈالر کی برآمدات متوقع ہے۔
سرمایہ کاری کے لیے متحدہ عرب امارات کو پانچ اہم معدنی منصوبے پیش کرنے پر غور جاری ہے ، چاغی، وزیرستان، گوادر اور "بلوچستان منرل ریسورسز لمیٹڈ” کے کاپر بلاکس سمیت 80 ہزار ٹن سالانہ پیداواری صلاحیت کا پر اسمیلٹر منصوبہ پیش کیے جانے کا امکان ہے۔
ایس آئی ایف سی کی معاونت سے گوادر اور چاغی کو ریل نیٹ ورک سے منسلک کرنے کا منصوبہ، معدنی نقل و حمل میں بہتری متوقع ہے۔
ماڑی پٹرولیم اور حکومت بلوچستان کا معدنی شعبے میں بین الاقوامی سرمایہ کاری کے لیے مشاورت کا عمل جاری ہے ، معدنی شعبے میں سرمایہ کاری کے فروغ کے ذریعے ایس آئی ایف سی ملکی معیشت کے استحکام کے لیے کوشاں ہیں۔
