افغانستان کے خلاف ایک روزہ سیریز کھیلنے کیلیے سری لنکا میں موجود قومی کرکٹرز نے ہمبنٹوٹا میں ٹریننگ کے دوران نماز کا وقت ہونے پر گراؤنڈ میں نماز ادا کی۔
اے آر وائی نیوز کے مطابق پاکستان کرکٹ ٹیم افغانستان سے تین ایک روزہ میچوں کی سیریز کھیلنے کے لیے سری لنکا کے شہر ہمبنٹوٹا میں موجود ہے جہاں پہلا ایک روزہ میچ کھیلا جا رہا ہے۔
گزشتہ روز ٹریننگ کے دوران نماز کا وقت ہونے پر کھلاڑیوں نے ٹریننگ چھوڑ کر گراؤنڈ کے اندر ہی نماز ادا کی جس کی تصویر سوشل میڈیا پر وائرل ہوگئی اور اس نے شائقین کرکٹ کے دل جیت لیے۔
سوشل میڈیا پر وائرل تصویر میں محمد رضوان، فخر زمان، امام الحق، نسیم شاہ ودیگر با جماعت نماز ادا کرتے دکھائی دے رہے ہیں۔
Pakistan players praying in Hambantota, Sri Lanka during their practice session. Namaz is the key to success. Alhamdullilah ❤️ #AFGvPAK pic.twitter.com/VXhc94BFOZ
— Farid Khan (@_FaridKhan) August 20, 2023
مذکورہ تصویر کو ایکس (ٹوئٹر) پر اب تک ڈیڑھ لاکھ سے زائد صارفین دیکھ چکے ہیں اور اس پر تبصرے بھی جاری ہیں۔ اکثریت نے کھلاڑیوں کے کھیل کے دوران عبادات کا خیال رکھنے کے جذبے کو سراہا ہے۔
افغان کپتان کا پاکستانی ٹیم کو روایتی لباس کا تحفہ
واضح رہے کہ پاکستان اور افغانستان کے درمیان کھیلے جانے والے تین ون ڈے میچوں پر مشتمل سیریز کا آغاز آج سے ہوگیا۔ ہمبنٹوٹا میں دونوں ٹیمیں نبرد آزما ہیں۔
