کراچی: اسٹیٹ بینک کا کہنا ہے کہ روپے کی قدر میں نمایاں کمی واقع ہوئی، بینک کو گزشتہ مالی سال میں ایک ارب روپے سے زائد کا خسارہ ہوا۔
تفصیلات کے مطابق اسٹیٹ بینک کی جانب سے جاری سالانہ اکاونٹس میں کہا گیا ہے کہ اسٹیٹ بینک مالی سال دوہزارانیس میں صرف روپے کی بےقدری کے باعث پانچ سوچھ ارب تیرہ کروڑ روپے کا نقصان ہوا۔
گزشتہ مالی سال میں روپےکی قدرڈالر کے مقابلے میں اڑتیس روپے چھپن پیسے جبکہ آئی ایم ایف کے ایس ڈی آر۔اسپیشل ڈرائنگ رائٹس کے مقابلے میں اسی روپے بیاسی پیسےکم ہوئی۔
مالی سال دوہزارانیس میں روپے کی بے قدری کے باعث مرکزی بینک کو باہتر ارب اٹھائیس کروڑ روپے کا نقصان ہوا۔
مالی سال دوہزاراٹھارہ میں اسٹیٹ بینک کے مجموعی اخراجات دو ارب اٹھائیس کروڑ روپے اضافے کے ساتھ پچاس ارب چھیالیس کروڑ روپے سے زائد رہے۔
پاکستان اسٹاک ایکس چینج میں تیزی کا رجحان برقرار
مرکزی بینک کو انٹرسٹ سے ہونے والی آمدنی ستاسی فیصد کے اضافے سے پانچ سوچھیالیس ارب انیس کروڑ روپے تک پہنچ گئی، نئے نوٹ اور انعامی بانڈز کی چھپائی پر گیارہ ارب بیالیس کروڑ روپے خرچ ہوئے۔
