یوم پاکستان کے موقع پراعزازی شیلڈز اوردیگر تحائف کی تیاریاں عروج پر ہیں ، شیلڈ اور میڈل میکرز کا کہنا ہے کہ پورا سال انتظار کرتے ہیں کہ یوم پاکستان آئے اور ہم اپنا فرض سرانجام دیں۔
تفصیلات کے مطابق یوم پاکستان کےموقع پر اعزازی شیلڈزاوردیگرتحائف کی تیاری جاری ہے، 23 مارچ کے خصوصی موقع پر اعزازی شیلڈز، تحائف اور پریزیڈنٹ کیرج انتہائی محنت سے تیار کیے جاتے ہیں۔
یوم پاکستان کی خصوصی پریڈ میں استعمال ہونے والی اشیاء کی تیاری میں پاکستان کے مختلف شہروں سے تعلق رکھنے والے ماہرین حصہ لیتے ہیں۔
یوم پاکستان کی پریڈ میں اپنا خاص کردار ادا کرکے تمام ماہرین انتہائی فخر محسوس کرتے ہیں، شیلڈ بنانے والے ماہرین نے اپنے جذبات کا اظہار کرتے ہوئے کہا کہ ہم 23 لوگ کام کررہے ہیں اور ہم پورا سال انتظار کرتے ہیں کہ یوم پاکستان آئے اور ہم اپنا فرض سرانجام دیں۔
شیلڈ میکر حمزہ علی کا کہنا تھا کہ جب ہم اپنے والدین کے ساتھ ٹی وی پر دیکھتے ہیں کہ صدر پاکستان ہمارے تیار کیے ہوئے کیرج میں بیٹھے ہیں تو ہمیں فخر محسوس ہوتا ہے۔
میڈل میکرمحمد اسحاق نے کہا کہ 23 مارچ کے لیے شیلڈ بنا کر یوم پاکستان کا حصہ بن کر ہمیں بہت خوشی محسوس ہوتی ہے، ہمیں فخر ہوتا ہے کہ ہمارے ہاتھوں کا بنا ہوا کام ٹی وی پر پوری دنیا دیکھ رہی ہے، پاکستان زندہ۔
