اسلام آباد: کرونا وبا کی تیسری لہر سے نبردآزما قوم کے لئے بڑی خوشخبری ہے کہ پاکستان کا چینی کمپنی سے لاکھوں کرونا ویکسین کا معاہدہ طے پایا گیا ہے۔

ذرائع کے مطابق پاکستان نے چین سے بڑے پیمانے پر کرونا ویکسین کی خریداری کر لی ہے، بتایا گیا ہے کہ مجموعی طور پر ستر لاکھ ویکسین کا معاہدے طے پایا ہے۔

ذرائع کے مطابق ان ستر لاکھ ویکسین میں چالیس لاکھ "سائینوفارم ” کی ڈوز ہیں جبکہ تیس لاکھ کین سائینو کی سنگل ڈوز ہیں، چینی کمپنیز پاکستان کو کرونا سے بچاؤ کی ویکسین مرحلہ وار فراہم کریں گی۔

ذرائع کا کہنا ہے کہ چینی کمپنی کین سائینو کی تیارکردہ "کونویڈیسیا "سنگل ڈوز ویکسین ہے، مذکورہ چینی کمپنیاں آئندہ ماہ سے پاکستان کو ویکسین فراہمی کا آغاز کریں گی۔

First batch of cansino vaccine procured being recieved today. This is the vaccine in which Pakistan participated in phase 3 trials, which was the first time ever that Pakistan had done so for any vaccine.

— Asad Umar (@Asad_Umar) March 30, 2021

اس سے قبل این سی او سی کے سربراہ اسد عمر نے بھی سماجی رابطے کی ویب سائٹ ٹوئٹر پر جاری اپنے بیان میں تصدیق کی تھی کہ پاکستان کو اپریل سے "کین سائنو ویکسین "بڑی تعداد میں ملنا شروع ہوجائے گی، کین سائنو ویکسین کی بڑی تعداد ملنےپر30لاکھ خوراکیں بنائی جائیں گی۔

یہ بھی پڑھیں:  سندھ حکومت کا 50 لاکھ کرونا ویکسین خریدنے کا فیصلہ

اسد عمر نے اپنے ٹوئٹ میں لکھا کہ ویکسین پاکستان میں ہی پیک کی جائےگی اور بڑی تعداد میں ویکسین رکھنے سے متعلق انتظامات اور عملے کی تربیت کردی گئی ہے۔

We will be getting bulk vaccine by mid april from cansino from which 3 million vaccine doses can be made. The bulk vaccine recieved will be formulated, sterilized and packed in Pakistan. For this purpose special equipment has been procured and manpower is being trained

— Asad Umar (@Asad_Umar) March 30, 2021

واضح رہے کہ آج کراچی میں نیوز کانفرنس کرتے ہوئے صوبائی وزیر صحت ڈاکٹر عذراپیچوہو نے بتایا کہ این سی او سی نے صوبوں کو ویکسین خریدنے کی اجازت دےدی ہے، جس کے بعد سندھ حکومت نے چینی ویکسین ” کین سائینو” کی پچاس لاکھ ڈوز خریدنے کا فیصلہ کیا ہے اور چین سے یہ سنگل ڈوزویکسین براہ راست لی جائےگی۔