نیوزی لینڈ میں کھیلی جا رہی سہ ملکی ٹی ٹوئنٹی سیریز کے آخری میچ میں پاکستان نے بنگلہ دیش کو 7 وکٹوں سے شکست دے دی۔
کرائسٹ چرچ میں پاکستانی اوپنرز کی سنچری پارٹنر شپ کی بدولت پاکستان نے مطلوبہ 174 رنز کا ہدف 3 وکٹوں کے نقصان پر آخری اوور میں حاصل کرلیا۔
بنگلہ دیش کی جانب سے 174 رنز کے تعاقب میں پاکستانی اوپنرز نے اچھا آغاز فراہم کیا، کپتان بابر اعظم اور محمد رضوان کے درمیان ایک اور سنچری پارٹنر شپ ہوئی، 101 کے مجموعی اسکور پر بابر اعظم 55 رنز بنا کر آؤٹ ہوئے، انہوں نے 40 گیندوں کا سامنا کیا۔ انہیں حسن محمود نے آؤٹ کیا، حسن محمود نے اپنے اوور کی اگلی ہی گینڈ پر نئے آنے والے بیٹر حیدر علی کو صفر پر چلتا کیا۔
ٹی ٹوئنٹی کے عالمی نمبر ایک بلے باز محمد رضوان 69 رنز بنا کر آؤٹ ہوئے، محمد رضوان اور نواز کے درمیان 64 رنز کی پارٹنر شپ ہوئی، محمد نواز 20 گیندوں پر جارحانہ 45 رنز کی اننگ کھیلی جس میں ایک چھکا اور 5 چوکے شامل تھے۔
محمد رضوان کو 69 رنز کی شاندار اننگ کھیلنے پر میچ کا بہترین کھلاڑی قرار دیا گیا۔
اس سے قبل بنگلہ دیش نے ٹاس جیت کر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 173 رنز بنائے اور پاکستان کو جیت کیلیے 174 رنز کا ہدف دیا
بنگلہ دیشی بلے بازوں نے عمدہ کارکردگی کا مظاہرہ کیا، بنگلہ کپتان شکیب الحسن اور لیٹن داس نے شاندار نصف سنچریاں بنائیں، پاکستان کی جانب سے نسیم شاہ اور محمد وسیم نے دو، دو جب کہ محمد نواز نے ایک کھلاڑی کو آؤٹ کیا۔
آج کے میچ میں قومی ٹیم میں ایک تبدیلی کی گئی تھی اور شاہنواز دھانی کی جگہ محمد حسنین کو شامل کیا گیا ہے۔
سیریز میں بنگلہ دیشس کوئی بھی میچ نہیں جیت سکا، سیریز کا فائنل کل میزبان نیوزی لینڈ اور پاکستان کے مابین کھیلا جائے گا، بنگلہ دیش اب تک سیریز میں کوئی میچ نہیں جیت سکی ہے۔
