The news is by your side.

Advertisement

کرپشن کے سدباب کے لیے قومی ایمرجنسی نافذ ہونی چاہیئے: پاکستان اکانومی واچ

لاہور: پاکستان اکانومی واچ کا کہنا ہے کہ کرپشن کے سدباب کے لیے قومی ایمرجنسی نافذ ہونی چاہیئے، پاکستان کا سب سے بڑا مسئلہ کرپشن ہے۔

تفصیلات کے مطابق پاکستان اکانومی واچ کے چیئرمین بریگیڈئیر (ر) محمد اسلم خان کا کہنا ہے کہ ملکی خزانہ لوٹنے والوں کی جانب سے حکومت اور نیب پر الزامات کی بوچھاڑ قابل مذمت ہے۔ کرپشن کے خلاف قومی ایمرجنسی نافذ ہونی چاہیئے تاکہ چوروں کا سدباب کیا جا سکے۔

چیئرمین کا کہنا تھا کہ حریف سیاسی جماعتیں جنہوں نے کبھی ملک و قوم کے لیے اختلافات نہیں بھلائے اب کرپشن بچانے کے لیے متحد ہوگئی ہیں اس لیے عوام ان کے دھوکے میں نہیں آئیں گے۔

انہوں نے کہا کہ حکومت نیب کا بجٹ اور اختیارات بڑھا کر اسے وسعت دے تاکہ اس کی کارروائیوں میں تیزی لائی جا سکے اور کرپشن کا جن بوتل میں بند کرنا ممکن ہو جائے۔ کرپشن پاکستان کا سب سے بڑا مسئلہ ہے۔

محمد اسلم خان نے مزید کہا کہ کرپٹ عناصر کو اس وقت تک خوفزدہ نہیں کیا جا سکتا جب تک ان پر اسلامی سزائیں لاگو نہ کی جائیں یا چین کے ماڈل کی نقل کی جائے، پاکستان میں بھی سخت سزائیں اور جرمانے نافذ کیے جائیں اور کالے دھن کے خلاف ایمرجنسی نافذ کی جائے۔

Comments

comments

یہ بھی پڑھیں