پیر, مئی 20, 2024
اشتہار

پاکستان کو آئی ایم ایف سے 6 ارب ڈالر قرض پروگرام کی توقع

اشتہار

حیرت انگیز

وفاقی وزیر خزانہ محمد اورنگزیب نے کہا ہے کہ پاکستان کو آئی ایم ایف کیساتھ کم ازکم 6 ارب ڈالر قرض پروگرام کی توقع ہے۔

غیرملکی خبر رساں ادارے کو دیے گئے انٹرویو میں انہوں نے کہا کہ آئی ایم ایف سے موجودہ قرض پروگرام اپریل کے آخر میں ختم ہو گا پاکستان مئی میں آئی ایم ایف کیساتھ نئے قرض پروگرام کیلئے پُرامید ہے جب کہ قرضوں کی واپسی کیلئے ریٹنگ ایجنسیوں کے ساتھ بات چیت کا آغاز کر دیا۔

وزیرخزانہ نے کہا کہ پاکستان میکرو اکنامک استحکام کیلئے اصلاحاتی ایجنڈے کو انجام دے رہا ہے اقتصادی ترقی کیلئے ضروری ڈھانچہ جاتی اصلاحات کی جا رہی ہیں اصلاحاتی ایجنڈے کو جاری رکھنے کیلئےطویل اور بڑا قرض پروگرام ضروری ہے امید ہے آئی ایم ایف کاوفد نئے قرض پروگرام کیلئے مئی میں پاکستان آئے گا۔

- Advertisement -

ان کا کہنا تھا کہ ایم ڈی آئی ایم ایف سے گزشتہ روز وزرأ اور گورنرز میٹنگ میں ملاقات ہوئی پاکستان کو آئی ایم ایف کیساتھ کم ازکم 6 ارب ڈالر قرض پروگرام کی توقع ہے نئےقرض پروگرام کےمعاہدےکےبعد اضافی فنانسنگ کی درخواست کی جا سکتی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں