بھارت سے مشروط مذاکرات قبول نہیں، پاکستان -
The news is by your side.

Advertisement

بھارت سے مشروط مذاکرات قبول نہیں، پاکستان

اسلام آباد: پاکستان نے کہا ہے کہ بھارت سے مشروط مذاکرات منظورنہیں، کشمیر سمیت تمام مسائل پر بات کرنا چاہتے ہیں، دہشتگردی مشترکہ مسئلہ ہے۔

تفصیلات کے مطابق دفترخارجہ کے ترجمان قاضی خلیل اللہ نے ہفتہ وارمیڈیا بریفنگ میں کہا کہ کشمیر پر پاکستان کا مؤقف واضح ہے، بھارت سے کشمیر سمیت تمام تنازعات پربات کرنا چاہتے ہیں، مسئلہ کشمیر کا حل اقوام متحدہ کی قراردادوں اور کشمیریوں کی خواہشات کے مطابق چاہتے ہیں۔

قاضی خلیل اللہ کا کہنا تھا کہ دہشت گردی سب کا مشترکہ مسئلہ ہے، دہشت گردی کے خاتمے کے لئے آپریشن ضربِ عضب بلاتفریق جاری ہے اور رہے گا۔

ترجمان کا کہنا تھا کہ پاکستان میں داعش کا وجود نہیں، داعش کے خطرے سے نمٹنے کے لیے افغانستان کے ساتھ مل کرکام کر رہےہیں، افغان سفیر کا دفترخارجہ کا دورہ معمول کی کارروائی تھی۔

ترجمان نے کہا کہ سابق صدر پرویز مشرف کشمیر پر کس قسم کی سودے بازی کررہے تھے اس کا علم نہیں۔

Comments

comments

یہ بھی پڑھیں