اسلام آباد : نگراں وفاقی وزیراطلاعات مرتضیٰ سولنگی نے اعلان کیا ہے کہ الیکشن ڈے پر موبائل فون اور انٹرنیٹ سروس بند نہیں ہوگی، سوشل میڈیا پر جھوٹی خبریں اور پروپیگنڈا کیا جارہا ہے۔
تفصیلات کے مطابق نگراں وفاقی وزیراطلاعات مرتضیٰ سولنگی نے الیکشن ڈے پر موبائل سروس اور انٹرنیٹ بند ہونے افواہوں کو مسترد کردیا۔
مرتضیٰ سولنگی کا کہنا ہے کہ حکومت کی طرف سے انتخابات کے موقع پر موبائل فون اور انٹرنیٹ بند کرنے کی کوئی تجویز زیر غور نہیں، سوشل میڈیا پر جھوٹی خبریں اور پروپیگنڈا کیا جارہا ہے۔
- Advertisement -
نگراں وزیر اطلاعات نے کہا کہ پاکستان میں مشکل اور سخت ترین حالات میں بھی انتخابات ہوئے ہیں، ووٹ ڈالنا حب الوطنی کا تقاضہ ہے، پاکستان کےعوام اورمنتخب پارلیمان پاکستان کے سیاسی اور جمہوری مستقبل کا فیصلہ کریں گے۔
