site
stats
عالمی خبریں

بھارت کے نائب آرمی چیف کا بہترین پاکستانی دفاعی صلاحیت کا اعتراف

نئی دہلی: بھارت کے نائب آرمی چیف سراتھ چند نے پاکستان کی بہتر دفاعی صلاحیت کا اعتراف کرتے ہوئے برملا کہا ہے کہ پاکستانی دفاعی صنعت سے بھارت کا کوئی مقابلہ نہیں۔

تفصیلات کے مطابق بھارت ہر سال اربوں ڈالر جھونک کر خطے میں اسلحہ کی دوڑ جاری رکھے ہوئے ہے لیکن اس کے باوجود پاکستان کی دفاعی صنعت سے بہت پیچھے ہے۔

بھارتی نائب آرمی چیف سراتھ چند نے اعتراف کیا ہے کہ پاکستان کی دفاعی صنعت بھارت سے کہیں زیادہ بہتر ہے اور بھارتی آرڈینینس فیکڑیاں بدلتی دنیا کے معیار کے مطابق نہیں ہیں۔

بھارتی نائب آرمی چیف کا کہنا تھا کہ پاکستانی دفاعی انڈسٹری کی پیداواری مقدار بھی بھارت سے بہتر ہے اور پاکستان دنیا بھر میں اپنے دفاعی شعبے کی اشیا برآمد کر رہا ہے۔

یاد رہے کہ چند روز قبل بھارتی حکام کی ایک رپورٹ نے بھارتی فوج کا بھانڈا پھوڑ دیا تھا جس میں کہا گیا کہ کسی جنگ کی صورت میں بھارت 10 دن بھی نہیں لڑسکتا۔

مزید پڑھیں: جنگ کی صورت میں بھارت 10 دن بھی نہیں لڑ سکتا

رپورٹ میں بتایا گیا تھا کہ بھارتی فوج کے ذخائر گولہ بارود کی شدید کمی سے دو چار ہیں۔ جنگ ہوئی تو 10 دن کے اندر ہی بھارت کے پاس کوئی گولہ بارود نہیں بچے گا۔

رپورٹ میں کہا گیا تھا کہ بھارت کو گولہ بارود کی مد میں 40 فیصد کمی کا سامنا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top