نیویارک : پاکستان نے ایک بار پھر بھارت کو مات دے دی، اکنامک فریڈم انڈیکس میں پاکستان بھارت سے دو درجے آگے ہے۔
اسٹاک مارکیٹ کے بعد معیشت کے مزید شعبوں میں پاکستان نے بھارت کو مات دے دی، امریکی اخبار فوربز کے مطابق امریکی تحقیقاتی ادارے کی جانب سے جاری کئے گئے اکنامک فریڈم رینکنگ میں پاکستان کا نمبر 141 واں جبکہ بھارت 143 ویں نمبر پر ہے۔ فوربز لکھتا ہے کہ پاکستان کی رینکنگ مسلسل بھارت سے بہتر ہو رہی ہے۔
انڈیکس میں تجارتی ، کاروباری اور سرمایہ کاری سے متعلق جانچ کی جاتی ہے۔
فوربز کے مطابق دونوں ممالک کا شمار انڈیکس کے آخری ممالک میں ہوتا ہے تاہم پاکستان کا انڈیکس میں بھارت کو پیچھے چھوڑ دینا ایک بڑی بات ہے۔
فوربز میگزین کا کہنا ہے کہ اس انڈیکس میں پاکستان کی بہتری اسٹاک مارکیٹ سرمایہ کاروں کیلئے اہمیت کی حامل ہے، پاکستان کی اقتصادی ترقی، کاروباری افراد کے ہاتھوں میں ہے جبکہ بھارت نے معاشی ترقی کی ڈور بیوروکریٹس کے ہاتھوں میں ہے۔
