اسلام آباد: پاکستان کی ٹیم آف فور نیزہ بازی ورلڈ کپ کیلئے کوالیفائی کرنے سے ایک قدم دور ہے۔
تفصیلات کے مطابق نیزہ بازی ورلڈ کپ کوالیفائر کے دوسرے دن بھی پاکستان کی شاندار پرفارمنس رہی، پاکستانی ٹیم تلوار سے نیزہ بازی کے مقابلوں میں بھی سب سے آگے۔
اس کے علاوہ اردن دوسرے اور شام کی ٹیم تیسرے نمبر پر رہی۔
سنگل مقابلوں میں بھی پہلا اور دوسرا نمبر پاکستانی گھڑ سوار کا رہا، تیسرے نمبر پر اردن کے گھڑسوار نے جگہ بنائی۔
نیزہ بازی فیڈریشن کے صدر نے کہا کہ ٹیم مثبت مائنڈسیٹ کیساتھ میدان میں ہے، فتح ہماری ہی ہوگی۔
یاد رہے تیسرے اور آخری دن کے کھیل کے بعد تمام ٹیموں کے اسکور کو جمع کرکے سب سے زیادہ نمبر لینے والی دو ٹیمیں ورلڈ کپ کا حصہ بنیں گی۔
