The news is by your side.

Advertisement

ٹی ٹوئنٹی رینکنگ: پاکستان کی پہلی پوزیشن برقرار

دبئی: آئی سی سی کی جانب سے ٹی ٹوئنٹی کی نئی رینکنگ جاری کی گئی ہے جس میں پاکستان کرکٹ ٹیم کی پہلی پوزیشن برقرار ہے جبکہ ون ڈے میں قومی ٹیم کا چھٹا نمبر ہے۔

تفصیلات کے مطابق آئی سی سی ٹی ٹوئنٹی رینکنگ میں قومی کرکٹ ٹیم نے پہلی پوزیشن برقرار رکھی ہے جبکہ اس کے پوائنٹس 130 ہیں، آسٹریلیا 126 پوائنٹس کے ساتھ دوسرے نمبر پر موجود ہے۔

رینکنگ میں 123 پوائنٹس کے ساتھ بھارت تیسرے نمبر پر موجود ہے، نیوزی لینڈ کا رینکنگ میں چوتھا اور انگلینڈ کا پانچواں نمبر ہے۔

جنوبی افریقہ 114 پوائنٹس کے ساتھ چھٹے، ویسٹ انڈیز ساتویں، سری النکا آٹھویں، افغانستان نویں اور بنگلہ دیش دسویں نمبر پر موجود ہے۔

مزید پڑھیں: آئی سی سی رینکنگ: سرفراز الیون ٹی ٹوینٹی میں سرفہرست

ون ڈے رینکنگ بھارت اپنی پہلی پوزیشن سے محروم ہوگیا انگلینڈ نے ون ڈے کی نمبر ون ٹیم بن گئی، انگلینڈ کے 125 پوائنٹس ہیں جبکہ بھارت 122 پوائنٹس کے ساتھ دوسرے نمبر پر موجود ہے۔

ون ڈے رینکنگ میں جنوبی افریقہ تیسرے، نیوزی لینڈ چوتھے، آسٹریلیا پانچویں اور پاکستان چھٹے نمبر پر براجمان ہے۔
بنگلہ دیش ساتویں، سری لنکا آٹھویں، ویسٹ انڈیز نویں اور افغانستان دسویں نمبر پر موجود ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں