انگلینڈ کے خلاف پہلے ٹی ٹوئنٹی کے لیے پاکستان کی ممکنہ پلیئنگ الیون سامنے آگئی۔
پاکستان کی کرکٹ ٹیم انگلینڈ کے خلاف چار میچوں کی سیریز کے پہلے T20 انٹرنیشنل کے لیے تیاری کر رہی ہے جو بدھ کو لیڈز سے شروع ہو رہی ہے۔
صائم ایوب نے وائٹ بال کے کوچ گیری کرسٹن کے ساتھ ڈیڑھ گھنٹے کا سخت ٹریننگ سیشن کیا۔ یہ دیکھنا باقی ہے کہ آیا پاکستان صائم کو ایک اور موقع فراہم کرے گا یا اپنے T20 ورلڈ کپ اسکواڈ کو حتمی شکل دینے سے پہلے عثمان خان کو مزید ٹیسٹ کرنے کا انتخاب کرے گا۔
مڈل آرڈر میں فخر زمان، اعظم خان جیسے طاقتور ہٹرز شامل ہیں افتخار احمد، اور آل راؤنڈر عماد وسیم، جو ٹیم کو رنز بنانے اور ضرورت پڑنے پر اننگز کو تیز کرنے کے لیے ایک مضبوط بنیاد فراہم کرتے ہیں۔
توقع ہے کہ پاکستان 4 فاسٹ بولرز کے ساتھ میدان میں اترے گا اور بولنگ اٹیک کی قیادت شاہین آفریدی کریں گے اور عباس آفریدی، نسیم شاہ اور محمد عامر ان کا ساتھ دیں گے۔ ٹیم مینجمنٹ کی ٹیکٹیکل ایڈجسٹمنٹ بھی ابر آلود حالات اور بارش کے متوقع امکانات سے متاثر ہے۔
کپتان بابراعظم نے انگلینڈ کے خلات ٹی ٹوئنٹی سیریز کی شروعات سے پہلے لیڈز میں پریس کانفرنس کرتے ہوئے کہا کہ میں نے ون ڈاؤن پوزیشن پر کھیلنے کا فیصلہ کیا ہے، انگلینڈ کی سیریز ورلڈکپ سے پہلے تیاری کے لیے سنہری موقع ہے۔
بابر اعظم کا کہنا تھا کہ 3 ہفتے بعد ورلڈکپ ہے اس سیریز سے اچھی چیزیں سیکھیں گے، سیریز جیت کر ورلڈکپ کیلئے اعتماد حاصل کریں گے۔
انھوں نے کہا کہ انگلینڈ کی ٹیم دنیا کی بہترین ٹیموں میں سے ایک ہے، انگلینڈ کی بیٹنگ لائن اپ بولنگ سے زیادہ خطرناک ہے۔
کپتان قومی کرکٹ ٹیم کا کہنا تھا کہ حارث رؤف مکمل طور پر فٹ ہیں اور ان کو کھیلنے کی اجازت مل گئی ہے۔ ورلڈکپ کھیلنے سے پہلے اس سیریز سے ٹیم کو فائدہ ہوگا۔
صائم ایوب/عثمان خان، محمد رضوان، بابر اعظم ، فخر زمان، اعظم خان ، افتخار احمد، عماد وسیم، شاہین آفریدی، نسیم شاہ، عباس آفریدی، محمد عامر
