اسلام آباد : سابق چیئرمین ایف بی آر شبرزیدی نے خبردار کیا ہے کہ پاکستان تیزی سے ڈیفالٹ کی طرف جارہا ہے، حکومت کو جلد بڑے فیصلے کرنا پڑیں گے۔
تفصیلات کے مطابق سابق چیئرمین ایف بی آر شبرزیدی نے ملک کی معاشی صورتحال پر اے آر وائی نیوز سے خصوصی گفتگو کرتے ہوئے کہا کہ ایک ہفتے میں معاشی حکمت عملی واضح کرنی ہوگی دو چار بڑے فیصلے کرنے ہوں گے، ملک کو اس وقت مستحکم حکومت کی ضرورت ہے۔
شبرزیدی نے خبردار کیا کہ موجودہ حکومت کے پاس اس وقت آئی ایم ایف کےعلاوہ کوئی آپشن نہیں ، اس کے تحت چلنا ہوگا ، پاکستان تیزی سے ڈیفالٹ کی طرف جارہا ہے۔
سابق چیئرمین ایف بی آر نے مزید کہا کہ مسلم لیگ(ن) نے بغیر سوچے سمجھے حکومت لے لی، مہنگائی سے متعلق جو باتیں کرتے تھے آج خود اس میں پھنس گئے ہیں۔
ان کا کہنا تھا کہ ایسا لگ رہا ہے یہ حکومت ایک ہفتے میں چلی جائے گی، ڈیڑھ مہینے سے حکومت نےقومی وقت ضائع کیا۔
شبرزیدی نے مزید کہا کہ موجودہ صورتحال میں صرف وقت ضائع کیاجارہا ہے۔
