The news is by your side.

Advertisement

کروناوائرس: پاکستان نے چیک ری پبلک کو مدد کی پیش کش کردی

اسلام آباد: کروناوائرس کے پیش نظر چیئرمین سینیٹ صادق سنجرانی نے یورپی ملک چیک ری پبلک کی سینیٹ کے سربراہ کو خط لکھا جس میں پاکستان کی جانب سے مدد کی پیش کش کی گئی۔

تفصیلات کے مطابق چیئرمین سینیٹ کی جانب سے لکھے گئے خط میں کرونا سے ہلاکتوں پر پاکستان کی پارلیمنٹ کی جانب سے دکھ اور افسوس کا اظہار کیا گیا۔

چیئرمین سینیٹ کی پاکستان کی جانب سے ہر قسم کی معاونت کی پیش کش کی گئی۔ خط کے متن کے مطابق چیک ری پبلک میں کروناوائرس سے والی ہلاکتوں پر دل گرفتہ ہوں۔

کروناوائرس: پاکستان کی جانب سے امریکا کو ہر قسم کی معاونت کی پیشکش

ان کا مزید کہنا تھا کہ دکھ کی اس گھڑی میں میری نیک تمنائیں آپ کے ساتھ ہیں۔

قبل ازیں چیئرمین سینیٹ محمد صادق سنجرانی نے امریکی صدر ڈونلڈ ٹرمپ اور امریکی سینیٹ کے سربراہ کو خط لکھا تھا جس میں کروناوائرس کے تناظر میں پاکستان کی جانب سے ہرممکن مدد کی پیشکش کی گئی تھی۔

اسی طرح بیلجیم، ہالینڈ، فرانس، ترکی، عمان، چین، جرمنی اور اسپین کو خط لکھے جاچکے ہیں۔

Comments

یہ بھی پڑھیں