The news is by your side.

Advertisement

بھارتی شہریوں کی واپسی ، پاک بھارت کشیدگی کے باوجود پاکستان کا بڑا اقدام

لاہور : حکومت پاکستان نے انسانی ہمدردی کی بنیادوں پر کورونالاک ڈاؤن کے باعث پاکستان میں پھنسے بھارتی شہریوں کی واپسی کیلئے پاک بھارت واہگہ بارڈر کھول دیا، 748 بھارتی شہری پاکستان میں پھنسے ہوئے تھے۔

تفصیلات کے مطابق لاک ڈاون کی پابندیوں کے باعث پاکستان میں پھنسے ساڑھے سات سو بھارتی شہریوں کے لئے خصوصی طور پر پاک بھارت واہگہ بارڈر کھول دیا گیا۔

پاک بھارت واہگہ بارڈر آج سے 3 روز کے لیے کھولا گیا ہے، بھارتی شہری تین گروپس میں واہگہ بارڈر سے واپس بھارت روانہ ہوں گے، پہلے اور دوسرے گروپ میں ڈھائی ڈھائی سو افراد ہوں گے جبکہ تیسرا گروپ 248 افراد پر مشتمل ہوگا۔

حکومت پاکستان نے انسانی ہمدردی کی بنیادوں پر بھارتی شہریوں کو واپس بھارت جانے کی اجازت دی ہے، بھارتی شہری پاکستان کے مختلف شہروں میں مقیم تھے، جن میں سے 12 اسلام آباد میں، لاہور میں 80، آزاد کشمیر اور ننکانہ صاحب میں 15 ،15 شہری جبکہ صوبہ سندھ کے مختلف شہروں میں 300 بھارتی شہری رہائش پذیر تھے۔

بھارتی شہریوں نے کئی بار اپنی حکومت سے واپس آنے کی اجازت مانگی مگر اجازت نہ دی گئی، بھارتی ہائی کمیشن نے اپنے شہریوں سے بیان حلفی لینے کے بعد واپسی کی اجازت دی ہے ۔

ذرائع کا کہنا ہے کہ مقبوضہ جموں وکشمیرسے تعلق رکھنے والے 402 شہری بھی واپس جائیں گے ، آج واپس جانیوالے پہلے گروپ میں کشمیری طلبااورشہری شامل ہیں۔

Comments

یہ بھی پڑھیں