کراچی : صوبہ سندھ میں لطیف بلاک کے جگن ون کنویں سے گیس کی دریافت کرلی، کنویں کے سینڈ زون بی میں12.6 ایم ایم سی ایف ڈی گیس کا حصول ہوا۔
تفصیلات کے مطابق پاکستان پیٹرولیم نے سندھ میں قدرتی گیس کی دریافت کا اعلان کردیا، سندھ میں لطیف بلاک کےجگن ون کنویں سےگیس کی دریافت ہوئی، مذکورہ بلاک کی ملکیت 33 فیصدپاکستان پیٹرولیم کے پاس ہے جبکہ ای این آئی پاکستان اور یو ای پی ایل بھی33،33 فیصد کے شراکت دار ہیں۔
گیس کی دریافت کنویں کہ 11 ہزار 350فٹ گھدائی کے بعد ہوئی ، کنویں کے سینڈ زون بی میں12.6 ایم ایم سی ایف ڈی گیس کا حصول ہوا ، اس کنویں سے13.7ایم ایم سی ایف ڈی گیس حاصل ہورہی ہے۔
پی پی ایل کی جانب سے کہا گیا کہ گیس کمپنی کی جانب سےجارحانہ ڈرلنگ کی وجہ سے دریافت ہوئی ، دریافت شدہ گیس سے ملکی توانائی کی ضروریات پورا کرنےمیں اہم ثابت ہوگا۔
خیال رہے دو روز قبل او ڈی جی سی ایل نے صوبہ خیبر پختونخوا میں تیل اور گیس کے ذخائر دریافت کئے تھے، کمپنی یومیہ11.361 ملین اسٹینڈرڈ مکعب فٹ گیس ،895 بیرل خام تیل فراہم کرے گی۔
کمپنی نے بنوں بیسن کے جنوبی مغربی حصے پر ہائیڈرو کاربن کی تلاش کو مزید بڑھا دیا ہے۔
