اسلام آباد : وفاقی وزیر خرم دستگیر نے اعلان کیا ہے کہ پاکستان میں اب گیس سے چلنے والے پاور پلانٹ نہیں لگائے جائیں گے۔
تفصیلات کے مطابق وفاقی وزیر خرم دستگیر خبر رساں ادارے رائٹرز سے گفتگو کرتے ہوئے کہا کہ ملک میں قدرتی گیس کی بہت زیادہ کمی ہوگئی ہے، پاکستان میں اب گیس سے چلنے والے پاورپلانٹ نہیں لگائے جائیں گے۔
خرم دستگیر کا کہنا تھا کہ روس اوریوکرائن جنگ نے ایل این جی کی قیمت کو ناقابلِ برداشت بنا دیا ہے، اسی لیے پاکستان کوئلے سے چلنے والی بجلی کے پلانٹ صلاحیت کوچار گنا کرنا چاہتا ہے۔
وفاقی وزیر توانائی نے کہا کہ کوئلے سے بجلی حاصل کرنے کی صلاحیت کو دواعشاریہ تین ایک گیگاواٹ سے بڑھا کر دس گیگاواٹ کرنے کا ارادہ ہے۔
انھوں نے مزید بتایا کہ اپنے سولر، ہائیڈرو اورنیوکلیئرپاورکےذریعے بھی بجلی پیداکرنےکی صلاحیت میں اضافے کا منصوبہ ہے، پاکستان بجلی کی پیداواری لاگت کم کرنے کی کوشش کررہا ہے۔
