اسلام آباد: وزیرریلوے خواجہ سعدرفیق نے کہا کہ پاکستان ریلوے پہلے 18 ارب اور اب 36ارب سے زائد کما رہا ہے، رواں سال 41 ارب روپے کمانے کا ہدف ہے، جسے پورا کریں گے.
تفصیلات کے مطابق وزیرریلوے خواجہ سعد رفیق کا کہنا ہے کہ ہمارے افسران پر کوئی دباؤ نہیں ڈال سکتا ہے،تباہی سے ہمکنارادارے کو دوبارہ پیروں پرکھڑا کرنامشکل کام تھا۔
وفاقی وزیرکا کہنا ہے کہ ریلوے کو پبلک پرائیویٹ پارٹنرشپ کے تحت چلایا جائے گا۔ اب پاکستان ریلوے پہلے18 ارب اور اب 36ارب سے زائد کما رہا ہے،رواں سال 41 ارب روپے کمانے کا ہدف ہے، جو اللہ کے فضل و کرم سے پورا کریں گے۔
خیال رہے کہ 2014 میں یہ خبرمیڈیا کی زینت تھی جس میں ذرائع کے مطابق کہا گیا تھا کہ چینی تکنیکی ماہرین کے وفد کی آمد رواں ماہ کے آخر تک متوقع ہے، اس دورے کے دوران چینی وفد چودہ سو کلومیٹر پر پھیلے ہوئے ریلوے ٹریک کی مرمت اور بحالی کے لیے تکنیکی معاونت فراہم کرے گا۔
یاد رہے کہ رواں سال وفاقی وزیرریلوے خواجہ سعد رفیق نے کہا تھا کہ پاکستان ریلوے کی مکمل اپ گریڈیشن کے لیے تیس ارب ڈالر اور پندرہ برس کا عرصہ درکار ہے، چین نے کراچی سرکلرریلوے سمیت کوئٹہ اورپشاور ماس ٹرانزٹ منصوبوں کو ٹرانسپورٹ ورکنگ گروپ کے حوالے کردیا ہے۔
