پاکستان ریلوے نے موسم سرما 2024 کے ٹائم ٹیبل کو تاحکم ثانی برقرار رکھنے کا فیصلہ کیا ہے البتہ چند مخصوص ٹرینوں کے اوقات میں رد و بدل کیا گیا ہے۔
خیبر میل پشاور کینٹ سے رات 22:30 کے بجائے 22:00 پر روانہ ہوگی
علامہ اقبال ایکسپریس سیالکوٹ سے 07:30 کے بجائے 07:00 پر چلے گی
جعفر ایکسپریس پشاور کینٹ سے بھی 07:30 کے بجائے 07:00 پر روانہ ہوگی۔
لاثانی ایکسپریس لاہور سے دوپہر 15:45 کے بجائے 15:30 پر سیالکوٹ سے 06:50 کے بجائے 06:30 پر روانہ ہو گی۔
تھل ایکسپریس ملتان کینٹ سے شام 06:50 کے بجائے 06:30 اور راولپنڈی سے (07:20 کے بجائے 07:00 پر چلے گی۔
اٹک پسنجر ,اٹک سٹی سے سپہر 16:05 کے بجائے 15:55 پر اور موہنجو دڑو پسنجر کوٹری سے 11:35 کے بجائے 07:00 پر روانہ ہوگی۔
ریلویز کا کہنا ہے کہ ان مخصوص ٹرینوں کے علاوہ تمام دیگر ٹرینیں اپنے پرانے شیڈول کے مطابق ہی چلیں گی۔ مسافروں کو ہدایت کی گئی ہے کہ وہ اپنے سفر کو بناتے وقت نئے اوقات کو مدنظر رکھیں۔
پاکستان ریلوے نے عیدالفطر پر مسافروں کی سہولت کیلیے کرایوں میں رعایت دینے کا اعلان کرتے ہوئے نوٹیفکیشن جاری کر دیا۔
پاکستان ریلوے کی جانب سے ہر سال عید کے موقع پر اسپیشل ٹرینیں چلانے اور کرایوں میں رعایت دینے کا اعلان کیا جاتا ہے۔ جاری نوٹیفکیشن کے مطابق اس بار عیدالفطر پر کرایوں میں 20 فیصد رعایت دینے کا اعلان کیا گیا۔
