site
stats
اہم ترین

انسانی حقوق سے متعلق امریکی محکمہ خارجہ کی رپورٹ مسترد

اسلام آباد: ترجمان دفترخارجہ نفیس زکریا نے کہا ہے کہ انسانی حقوق پر امریکی محکمہ خارجہ کی رپورٹ کو تسلیم نہیں کرتے۔ بھارت سے متعلق مواد رپورٹ کے جھوٹا ہونے کا ثبوت ہے۔

تفصیلات کے مطابق اسلام آباد میں میڈیا بریفنگ میں ترجمان دفتر خارجہ نفیس زکریا نے انسانی حقوق پر امریکی محکمہ خارجہ کی رپورٹ کو مسترد کردیا۔

انہوں نے کہا کہ پاکستان میں انسانی حقوق کے قوانین موجود ہیں۔

ترجمان کا کہنا تھا کہ امریکی محکمہ خارجہ کی نام نہاد رپورٹ حقائق کے برعکس ہے۔ رپورٹ میں بھارت کےمتعلق مواد اس کے جھوٹا ہونے کا ثبوت ہے۔

ان کا کہنا تھا کہ مذکورہ رپورٹ میں مقبوضہ کشمیر میں انسانی حقوق کی خلاف ورزی اور پیلٹ گن کا نشانہ بننے والے مظلوم کشمیریوں کا ذکر تک نہیں۔

نفیس زکریا نے کہا کہ مقبوضہ کشمیر میں بھارتی مظالم پر تشویش ہے۔ گذشتہ ہفتے 30 حریت رہنماؤں کو گرفتار اور نظر بند کیا گیا۔ رہنماؤں کو پاکستانی ہائی کمیشن میں تقریب میں شرکت کرنا تھی۔

مزید پڑھیں: یوم پاکستان پر حریت رہنما نظر بند

بھارتی فوج نے 131 کشمیری نوجوانوں کو گرفتار بھی کیا۔

ترجمان دفتر خارجہ نے مزید کہا کہ سانحہ سمجھوتہ ایکسپریس سے متعلق میڈیا رپورٹس دیکھی ہیں تاہم بھارت نے سفارتی سطح پر کوئی رابطہ نہیں کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top