The news is by your side.

Advertisement

پاکستان نے تمام پروازوں کے لیے اپنی فضائی حدود کھول دی

اسلام آباد: پاکستان نے پاک بھارت کشیدگی کے بعد 27 فروری سے بند تمام پروازوں کے لیے اپنی فضائی حدود کھول دی، سی اے اے نے نوٹم جاری کردیا۔

تفصیلات کے مطابق سول ایوی ایشن اتھارٹی کی جانب سے نوٹم جاری کیا گیا ہے جس میں پروازوں کے لیے تمام روٹس کھولے جانے سے متعلق بتایا گیا ہے۔

فضائی حدود کی پابندی ختم ہونے سے بھارتی طیارے پاکستانی فضائی حدود استعمال کرسکیں گے، لاہور سے دہلی، بنکاک، کوالالمپور اور دیگر شہروں کی پروازیں بھی بحال ہوں گی۔

سول ایوی ایشن اتھارٹی کے مطابق ابھی تک شمال سے جنوب اور جنوب سے شمال کے صرف 3 روٹ کھلے تھے لیکن اب تمام روٹس پروازوں کے لیے کھول دیے گئے ہیں۔

پاکستانی حدود کی خلاف ورزی پر بھارتی طیارے مارگرائے، آئی ایس پی آر

یاد رہے کہ رواں برس 27 فروری کو پاکستانی فضائی حدود کی خلاف ورزی کرنے والے بھارتی طیارے کو مار گرایا تھا جس کے بعد دونوں ملکوں کے درمیان کشیدگی میں اضافہ ہوا تھا۔

پاک بھارت کشیدگی کے بعد اسلام آباد، لاہور، کراچی، پشاور، کوئٹہ، ملتان، سیالکوٹ سمیت کئی شہروں کے ہوائی اڈوں سے پروازین منسوخ کردی گئی تھیں۔ پاکستان نے غیرملکی پروازوں کے لیے اپنی فضائی حدود بھی بند کردی تھی۔

Comments

comments

یہ بھی پڑھیں