اسلام آباد : کابینہ نے ادویات کی قیمتوں میں 55 سے65 کمی کی منظوری دے دی ، یہ ادویات آئی سی یو میں داخل مریضوں کیلیے استعمال ہوتی ہے۔
تفصیلات کے مطابق نگراں وفاقی وزیر صحت کی ہدایت پر 4 ادویات کی قیمتوں میں کمی کردی گئی ، ترجمان وزارت صحت نے بتایا کہ کابینہ نے ادویات کی قیمتوں میں کمی کی منظوری دی۔
ترجمان وزارت صحت کا کہنا تھا کہ وزیر صحت ندیم جان نے کہا ہے کہ کولسٹیمیٹیتھ سوڈیم کی قیمت 55 سے65 فیصد کم ہوئی، 1 ملین یونٹ انجکشن کی قیمت 2987 سےکم ہو کر 1036روپے، 2ملین یونٹ انجکشن کی قیمت 4564 سے کم ہو کر 1737 روپے اور 3 ملین یونٹ انجکشن کی قیمت 5855 سےکم ہوکر 2591 روپے ہوگئی ہے۔
یہ ادویات آئی سی یو میں داخل مریضوں کیلیے استعمال ہوتی ہے، مشکل حالات کے درپیش چیلنجز کے باوجود عوام کو ریلیف دینے کیلے پر عزم ہوں ، جعلی اور آن رجسٹرڈ ادویات کیخلاف کریک ڈاؤن جاری رہے گا۔
